E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Politika është luftë”/ Ish-anëtari i Këshillit Kombëtar shpall kandidaturën për kreun e PD

29 Tetor 2021, 07:33, Politikë CNA

Ish-anëtari i Këshillit Kombëtar të Partisë Demokratike, Edvin Kulluri ka shpallur kandidaturën e tij, për drejtimin e kësaj force politike.

Në një postim në rrjetet sociale, Kulluri e cilëson si të domosdoshëm mbledhjen e Kuvendit Kombëtar, për të cilin thekson se do ta fusë PD në rrugën e rimëkëmbjes si alternativa më e mirë politike, mora këtë vendim të rëndësishëm!

?Të dashur miq dhe veçanërisht anëtarë të Partisë Demokratike dhe delegatë të Kuvendit Kombëtar!

Pas shumë vitesh aktivitet politik dhe qëndrimesh që kam mbajtur sidomos gjatë kësaj krize të rëndë 4 vjeçare, vendosa që të kandidoj për Kryetar i PDSH në zgjedhjet e ardhshme që do të mbahen!

I bindur se kam patur të drejtë për situatën e krijuar pas humbjeve dhe dështimeve të njëpasnjëshme, dhe po ashtu me besimin se Kuvendi Kombëtar do ta fusë PD në rrugën e rimëkëmbjes si alternativa më e mirë politike, mora këtë vendim të rëndësishëm!

Me mijëra demokratë kërkojnë reformimin e PD, bashkimin e saj dhe mbi të gjitha ringritjen e saj si nje parti e djathtë qartësisht e ndryshme nga ajo e viteve të fundit!

Qëndrimet e palëkundura që kam mbajtur mbështetur në këto parime, me bëjnë të besoj se janë të shumtë demokratët dhe qytetarët që kërkojnë përfaqësim të mëtejshëm në garën për kreun e PD! Politika është ?luftë? dhe jo ?një betejë?, ndaj vendimi i shumicës së delegatëve të PD për të mbledhur Kuvendin meriton jo vetëm respektin e çdo anëtari por edhe kontribut të kujtdo për të qënë pjesë aktive e vendimarrjes dhe garave që do të prodhojëcky eveniment madhor!?-shkruan Kulluri.

Më tej, ai shton se ?Ide dhe vlera pa përfaqësim nuk ka dhe nuk mund të ketë! Ndaj e kam mbështetur thirrjen e organit më të lartë vendimarrës të Partisë Demokratike dhe besoj thellësisht se me kandidimin tim i shtoj përfaqësim shumë delegatëve dhe anëtarëve të PD që kanë patur të njëjtat qëndrime me të miat dhe kolegëve të tjerë gjatë 4 viteve të fundit!

Ashtu sic ky akt është rrjedhoje e të pakten 18 viteve të fundit aktivitet timin politik në PD!?.

Po ashtu Kulluri falenderon të gjithë ata që e kanë mbështetur, ndërsa Ii fton të ndjekin këtë ?sfidë?, që sipas tij ka si qëllim një PD më të fortë dhe një forcë politike fituese.

?Duke ju falenderuar për mbështetjen që kam patur në vite nga shumë prej jush, ju ftoj të ndiqni këtëe sfidë për të cilën jam menduar gjatë me besimin se kam marrë një vendim të drejë dhe të duhur!

Një PD që lufton për të drejtat themelore politike dhe ekonomike të individit, autonominë lokale si vlereë e patjetërsueshme e komuniteteve, familjen natyrore dhe vendos Shqipërinë mbi interesa të tjera është e vetmja PD për të cilen ja vlen të luftoj dhe përpiqem!

Për një PD të vërtetë dhe fituese përballe kundërshtarëve tanë, por mbi të gjitha si alternativa më e mirë qeverisëse për Shqiptarët dhe miqtë e Shqipërisë!?-shkruan Edvin Kulluri./CNA.al