web counter
LEXO PA REKLAMA!

SHKARKO APP

App Store
Google Play

E fundit!

x

Trekëndëshi i Bermudës/ Vangjeli “zbërthen” deklaratën e Bashës, tregon gabimin e tij

29 Tetor 2021, 14:00, Politikë CNA

Analisti Lorenc Vangjeli ka komentuar deklaratën e kreut të Partisë Demokratike Lulzim Basha, i cili akuzoi dje nga foltorja e Kuvendit kryeministrin Edi Rama, presidnetin Ilir Meta dhe ish kryeministrin Sali Berisha se janë bashkë dhe formojnë trekëndëshin e Bermudës.

Në një intervistë për ABC News, përballë gazetares Juli Xhokaxhi, Vangjeli deklaroi se deklarata e Bashës ishte një sulm i hapur ndaj Metës, ndërsa shtoi se armiqësia mes kryeopozitarit dhe presidentit arriti në momentin kur nuk arritën të dilnin në një listë të përbashkët për zgjedhjet e 25 prillit.

Sipas Vangjelit, Basha pati një gabim gjatë deklaratës së tij, sepse nuk arriti të ndante betejën që ekziston mes Ramës dhe Metës, që sipas analistit kulmoi në 2 mars.

?Basha ishte më afër me Ramën se me Metën. Gabimi i Bashës është se nuk arriti të ndante betejën me Ramën dhe Metën. Armiqësia me Metën kulmoi nga marsi kur nuk arritën të krijojnë një listë të përbashkët PD-LSI për zgjedhjet e 25 prillit. Mungesa e dakordësisë mes tyre ishte më e madhe se kundërshtia ndaj Ramës. Basha në atë kohë më shumë, dhe Kryemadhi më pak, po tentonin të bindnin atë pjesë të publikut se fajtor për mungesën e një listë të përbashkët ishte tjetri dhe Gjiknuri që bëri Kodin siç i tha Rama?, tha Vangjeli.

Duke analizuar sjelljen politike të Bashës, Vangjeli ka argumentuar se përse sipas tij  nuk ka arritur që të fitojë pushtetin deri më tani, duke bërë një krahasim të kreut aktual të PD me Berishën.

?Për të ardhur në pushte Berisha ka bërë sakrificë epike, e lëmë në 92? që ishte dhuratë, ka bërë sakrifica epike, futi në burg Nanon? Djaloshi i përkëdhelur i politikës shqiptare s?ka bërë asnjë sakrificë. Nuk kultivoi një alternativë për të ardhur në pushtet, nuk kultivoi mëkate. Smund të ketë besë apo pabesi ndërmjet personazheve në opozitë. Basha e  ka lexuar gabim historinë e interesave politike?, shtoi më tej analisti./CNA.al





Lajmet e fundit nga