web counter
LEXO PA REKLAMA!

SHKARKO APP

App Store
Google Play

“Faji kryesor bie mbi PD”/ Indrit Hoxha: Qeveria Rama ka hequr nga puna njerëz nga shtresa e ish të përndjekurve

29 Tetor 2021, 20:39, Politikë CNA

Ish-anëtar i këshillit kombëtar të PD Indrit Hoxha u shpreh se qeveria e Edi Ramës, duke filluar nga 2013-ta ka pushuar nga puna njerëz nga shtresa e ish-të përndjekurve.

Në një intervistë për emisionin ?Arnautistan? me Mustafa Nanon në MCN TV, Hoxha tha se 30 vite politika e majtë apo e djathtë ka shumë gabime ndaj të përndjekurve dhe si rezultat sot nuk ka asnjë përkujtimore për ish të përndjekurit.

?Edhe 30 vite pas komunizmit bëhen rreshtime sepse e gjithë politika e majtë apo e djathtë ka shumë gabime ndaj të përndjekurve. Nuk kemi një ligj dekomunistizimi. PD ka miratuar në 2006-ën kërkoi një rezolutë për të dënuar krimet e komunizmit, PS e ka kundërshtuar me pretendimin se nuk mund të dënoheshin 30 vite pas komunizmit. 

Në Shqipëri askush që bëri krime nuk u dënua. Faji kryesor bie mbi PD sepse tek PS nuk kam asnjë shpresë. Ne kemi kaluar një nga sistemet më të egra dhe sot nuk kemi një obelisk për ti kujtuar këto njerëz, nuk ka qenë në vëmendje kjo lloj shtrese. Nga 2013-ta kanë hequr nga puna ish të përndjekur politikë, por që janë dhe pjesë të PD?, tha Hoxha./CNA.al





Lajmet e fundit nga