E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Qytetarët e Vlorës e blejnë ujin e pijshëm/ Autoritetet: Uji i rrjetit brenda parametrave

28 Tetor 2021, 17:38, Aktualitet CNA

Ngjarja e rëndë në Krujë ku të paktën 500 qytetarë u helmuan nga uji i rrjetit ka ngritur shqetësimin tek mbarë popullata.

Qytetarët e Vlorës nuk kanë besim tek uji që furnizohen çdo ditë nga rrjeti, duke u detyruar ta blejnë ujin që pijnë.

?E mbush se s?kemi lekë ta blejmë. Ujin e rubinetit e përdorim vetëm për t?u larë. S?është punë besimi, po ai është me klor, ky është ujë i pastër?, tha një qytetar.

?Ujin e çezmës e përdorim për të larë, ndërsa për të gatuat dhe për të pirë jo. Uji shkon në bojler dhe duke qenë i ndenjur nuk mund të përdoret për të pirë. Nëse arrin të mbushësh kur vjen çezma është njësoj sikur e mbush këtu te uji i ftohtë. Ujin e mbush vetëm këtu, nuk e blej?, u shpreh një qytetar.

?Ujin e çezmës e përdor vetëm për tualet dhe për të larë. Unë rri në pallat, s?ka ujë të rrjedhshëm. Ujin që mbush këtu e përdor edhe për të pirë edhe për të gatuar. Edhe e kam blerë ndonjëherë?, tha një qytetar.

?Për të pirë e blejmë, kemi merak për ujin e rubinetit?, u shpreh një qytetare.

Por për të parë nga afër sigurinë dhe gjendjen e depove të ujit që furnizojnë Vlorën, Euronews Albania kreu një vëzhgim pranë stacioneve të furnizimit me ujë.

Inxhinieri i prodhimit të ujit të pijshëm pranë Ujësjellës-Kanalizimeve Vlorë, Arben Mone tha se stacionet kanë siguri të plotë.

?Problemet lindin nëse ka përzierje të ujërave të zeza me ujërat e bardha, por deri tani s?kemi. Uji është cilësor pasi vazhdimisht merren analizat. Siguria është maksimale. Masa kryesore që ne të ruajmë cilësinë e ujit është që tubat të mbahen nën presion dhe stacioni e bën këtë duke mos lejuar kontaminimin?, u shpreh Arben Mone.

Drejtoria e Shëndetit Publik në Vlorë bëri me dije se situata është nën monitorim të vazhdueshëm.

Analizat mikrobiologjike dhe fiziko-kimike kryhen çdo ditë dhe iu komunikohen edhe institucioneve vendore, ndërsa deri me sot nuk kemi probleme sa i përket kontaminimeve, pra problematikave që cenojnë cilësinë e ujit, bën me dije Drejtoria e Shëndetit Publik në Vlorë.

Ndërtimet, popullimi i zonës së ujit të ftohtë ku ndodhen edhe vendburimet që furnizojnë qytetin mbetet rrezik për cilësinë e ujit. Ndërsa evidentimi i zonave ku ka rrezik për kontaminim si defektet, çarjet nga investimet apo punimet e shumta në qytet mbetet një tjetër rrezik për ndotjen e ujit./euronews