E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

“Shqipëria me numrin më të lartë të fëmijëve në varfëri”/ Leonard Olli bën thirrjen urgjente

28 Tetor 2021, 08:14, Aktualitet CNA

Sipas një raporti të publikuar së fundi nga ?Save the Children?, për vitin 2020, Shqipëria është vendi me numrin më të lartë të fëmijëve në varfëri në Europë e në Ballkanin Perëndimor.

Raporti thekson se në Europë përllogariten rreth 20 milionë fëmijë që jetojnë në varfëri, ndërsa situata është edhe më e rëndë në Ballkanin Perëndimor, ku nivelet e varfërisë së fëmijëve në vitet e mëparshme varionin nga 49.4% në Shqipëri në 30.6% në Bosnje-Hercegovinë dhe 20.7% në Kosovë.

Raporti thekson se fëmijët nga pakicat etnike janë ndër grupet më të cenueshme të fëmijëve, veçanërisht në Shqipëri, Bosnje-Hercegovinë dhe Kosovë, ku përballen me diskriminim dhe mungesë aksesi në shërbimet thelbësore.

Në lidhje me këtë raport ka ardhur një reagim edhe nga anëtari i Bordit Drejtues të Bindjes Demokratike, Leonard Olli.

Ky i fundit në një postim në rrjetet sociale, shkruan se kur fëmijët vuajnë nga varfëria, do të thotë se është një vend dhe një komb që ka dështuar, pasi vret të ardhmen.

Olli thekson se kjo nuk ka nevojë për politizim, por për reflektim urgjent.

?Nuk ka gjë më të trishtë dhe më të dhimbshme se sa kur konstaton faktin se një fëmijë vuan apo është në nevojë. Por, kur konstatohet fakti se ti je shtetas i një vendi, ku fëmijët vuajnë dhe jetojnë në varfërinë më të thellë në krahasim me vendet e rajonit, atëherë ndjehesh i dëshpëruar dhe i dështuar. Madje, është një vend dhe një komb që ka dështuar, pasi vret të ardhmen. Nuk ka nevojë për politizim, por për reflektim të thellë, urgjent dhe konkret. Nëse kjo situatë, së bashku me shumë aspekte të tjera nuk merr reagimin e nevojshëm të çdo aktori dhe faktori, atëherë do të dëshmojmë kokëfortësisht se armiku më i egër i shqiptarëve vazhdojnë të jenë shqiptarët, e sidomos ai soj shqiptarësh të sotshëm që po shkrijnë Shqipërinë, për të bërë pasurinë!?-shkruan Leonard Olli./CNA.al