E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Rinumërimi/ Manipulime po, kallëzime penale zero

28 Tetor 2021, 12:09, Aktualitet CNA

Si shkoi ai rinumërimi i 10 % të kutive të votimit?

Përveç tabelave me ngjyra që tregonin emrat e kandidatëve për deputetë, një pjesë tani deputetë, a lexoi dhe a pa njëri se cilët ishin ata që kishin manipuluar rezultatet e votës preferenciale?

Pamë që dolen disa tabela që vështirë se tregonin manipulimin kuti më kuti.

Sa kohë që tabelat ishin ideuar si përmbledhje për çdo KZAZ, askush sot nga ato tabela nuk arrin dot tek përgjegjësia individuale, në këtë rast penale, e personave që falsifikuan duke nënshkruar proces-verbalet e rezultateve.

I vetmi njeri që sot mund të cilësohet (të paktën publikisht dorëjashtë) për atë falsifikim është Edi Rama.

Ai ish i vetmi që me thirrje dhe paralajmërime publike, kujtoi përgjegjësinë penale për ata që ndryshonin vullnetin e hedhur në kuti nga shqiptarët.

Por edhe ai sot ka kyçur gojën! Bën sikur s’ka parë e s’ka kuptuar gjë!

Si duket ka frikë të denoncojë ata, që të paktën sipas tabelave i kishin vjedhur vota personale.

Ajo që doli nga rinumërimi e ka emrin falsifikim dhe manipulim i zgjedhjeve.

Pak rëndësi ka nëse ai rinumërim nuk ndryshon rezultat.

Rinumërimi ishte aty për të gjetur falsifikatorët. Ndaj rezultati duhet të bëhej i pandryshueshëm që falsifikatorët të mos tregoheshin aq budallenj saqë të “hanin burgun” kur ju hanin vota kandidatëve.

Hapja e atyre kutive tregoi qe me sa duket në disa grupe numërimi paska pasur budallenj të tillë të gatshëm të sakrifikoheshin.

Por që të jëmi të qartë, kjo histori do tabela per çdo rezultat që ka dale me diferencat për çdo kuti.

Duhet të dali falsifikimi në çdo kuti.

Ne nivel KZAZ falsifikimi ju tregua shqiptarëve paq.

Nëse sot nuk ka kallëzime penale për përgjegjësit, per cfarë u rinemuaruan kutitë? Për kuriozitet?

Cilit kuriozitet po i shërben mbajtja peng e një detyrimi ligjor për hartimin e kallëzimeve pënale referuar asaj çka doli nga kutia?

Para pak ditësh ambasadorja Kim dhe ambasasori Soreca ne takim me KQZ kanë kerkuar përcjelljen e kallzimeve penale për shkelësit e ligjit Zgjedhor dhe Penal.

Por askush tjtër nuk flet.

Rama me Lulin janë marrë vesh ta mbyllim me harresë dhe duke sajuar dialogje me kontekst erotik në Kuvend, po hallakasit gjithë dynjanë.

KQZ publikon fotot e rakimeve!

“Foltorja” nuk flet se e di që midis pjesmarrësve mund të ndodhen numëruesit e midis numëruesve mund të ndodhen edhe falsifikatorët.

Kutitë u rihapën dhe u rimbyllën.

Siç po mbyllet dhe harrohet që masa e manipulimut që doli nga rinumërimi i atyre 10% të kutive, mund të dhjetë apo njëzetfishohet nëse hapen të gjitha kutitë.

Ish- deputeti Murrizi deklaroi në një studio televizive se ato 10 % janë përzgjedhur, nuk janë shortuar. Nëse kjo është e vertëtë, atëherë manipulimi ështe ende tek kutitë.

Përpara se të gërmojë midis letrave të një komisioni shoë, Luli duhet të gërmojë tek e vërteta që mbartin ende në bark ato kuti të rihapura e të rikyçura. Duhet bërë përpara se ato kuti të hidhen në det dhe që celësi të rrijë gjatë në xhepin e ndonjë pengmarrësi të radhës./CNA.al