E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Propozimet e PD/ Rama i gatshëm për dialog, ftesë Bashës

27 Tetor 2021, 19:00, Politikë CNA

Kryeministri Edi Rama deklaroi se është i gatshëm që të ulet në tryezë dialogu me kreun e PD, Lulzim Basha, sa i takon propozimeve të opozitës.

Në një deklaratë për mediat pas mbledhjes me drejtuesit politikë të qarqeve, Rama shtoi se janë të gatshëm të ballafaqojnë argumentet, pasi kjo është diçka me interes edhe për publikun.

“Nuk kam asnjë opinion sot për sot çfarëdo që mund të kem si mendim tim personal jemi të hapur të diskutojmë çdo gjë pa paragjykuar asgjë. Mund të mos na bindë në pamje të parë, por nuk dimë asgjë. Ulemi diskutojmë kemi argumentet tona në rast se i ballafaqojmë kemi interes për publikun për vendin s’ka diskutim. Nuk kam opinion sot, nuk bëhet dialogu në televizor me mikrofonat para, të vijnë në tavolinë të ulen dhe të na shpjegojmë do japim opinionin tonë”, deklaroi Rama

Një dorë Bashës, Rama ia dha edhe kur u pyet për lëvizjen e ish-kryeministrit Sali Berisha kur tha se ndjen keqardhje për atë që po ndodh në PD. Ndërsa shprehu gatishmërinë për të marrë të dëshmuar përpara Komisionit Hetimor për 25 prillin, madje foli me tone të buta dhe miqësore.

Hetimi për 25 prillin

“Jam në dispozicion si asnjëherë tjetër. Nuk kam patur ndonjë ftesë, por jam në dispozicion. Ai komision është ngritur me kërkesën e opozitës. E dimë si kanë rrjedhur ngjarjet. Nuk ka jo vetëm qytetar të angazhuar në zgjedhje në krahun tonë apo të angazhuar në zgjedhje si një votues i lirë pa qenë i lidhur me një parti, por nuk ka as mes demokratëve dhe po del më e qartë se PD ka humbur zgjedhjet. Historitë me masakra dhe përralla janë propagandë, që janë punë e tyre“.

Lëvizja e Berishës

“Nuk kam asnjë koment lidhur me çfarë ndodh në fushën e PD-së, por di të them që po të ishin mbledhur të gjithë humoristët dhe satiristët që të shkruajnë një pjesë me shumë seri për se si PD mund të katandiset në një objekt realisht keqardhje por edhe humorit të zi, është ajo që po ndodh sot në PD“.

Vettingu në politikë

“Respektoj parimin që ne jemi të hapur të diskutojmë çdo gjë dhe pa paragjykuar asgjë. Mund të mos na binë në pamje të parë një gjë që thhet dhe përcillet dhe ne nuk dimë gjithçka, ulemi dhe diskutojmë argumentet. Nëse shohim interes për publikun, për vendin, s’ka diskutim se s’ka rëndësi nga vjen propozimi. Nëse nuk shohim interes, do të themi nuk e pranojmë këtë propozim. Por nuk bëhet dialogu në Tv me mikrofonët përpara, por të vijnë në tavolinë. Do ta analizojmë dhe do të japim opinionin tonë“.

Helmimi në Krujë

“Sipas jush nuk duhej ndërtuar ujësjellësi i ri, apo ujësjellësi i ri ka sjellë këtë problem? Janë dy gjëra krejt të ndryshme. Të çosh ujësjellësin në shtëpi është një gjë dhe të siguros që uji është në të gjitha parametrat, është një gjë tjetër. Qeveria ka bërë investimin dhe ujësjellësi, ndërmarrja ka detyrimet e veta. Çështja është në hetim për të kuptuar se çfarë ka ndodhur“../CNA.al