Si po e dështon Enkelejdi hetimin e dosjeve të Marashit!

27 Tetor 2021, 08:37, Politikë CNA

Sot pritet të mbahet mbledhja e rradhës e Komisionit Hetimor për “hetimin e përdorimi t të burimeve të administrates shtetërore për qëllime elektorale në zgjedhjet e 25 prillit.”

Ngritja e komisionit u miratua në 14 Tetor, me Vendimin Nr. 79, Kuvendit.

Sipas atij vendimi 15 anëtarë të zgjedhur me përfaqësim nga mazhoranca dhe opozita parlamentare u ngarkuan me detyra hetimi.

Sipas rregullores së Kuvendit dhe ligjit për komisionet hetimore, palës që kërkon hetimin i lihet drejtimi i komisionit. Duke qënë se hetimi u kërkua nga PD, drejtimi iu la deputetit Enkelejd Alibeaj, ne përputhje me nenin 10 të ligjit për Komisionet Hetimore.

Pas gati 2 javësh, sot pritet mbledhja e radhës.

Në mbledhjen e parë, Kryetari Alibeaj harroi të hidhte në votim rendin e ditës!

Kjo situatë e pakuptimtë arriti deri atje sa në seancën e fundit, Alibeaj faqe kamerave refuzonte të hidhte në votim propozimet e mazhorancës lidhur me rregulloren e Komisionit.

Komisioni ende nuk ka zgjedhur Sekretarin dhe as ka miratuar Rregullat e veta të funksionimit.

Alibeaj nuk ka shumë opsione që të lejojë zhvillimin normal të mbledhjes.

Duhet ose të hedhë në votim çështjet, ose të hedhë në votim çështjet!

Veç nëse po e shtyn këtë punë duke pritur që PD të kapë shumicën në Kuvend!

Nëse Alibeaj me qëndrimin e tij reflekton faktin që PD është bërë pishman që ka kërkuar dhe votuar Komisionin Hetimor, atëherë është mirë që të gjejë mënyra të tjera zgjidhje.

Por shfaqja e ofruar këto ditë nga Alibeaj tregojnë minimumi ekuilibër mendor të prishur të kryetarit rë Komisionit.

Pa u miratuar Rregullorja e Komisionit nuk ka hetim.

Pa u votuar Rregullorja nuk ka Rregullore.

Pa votat e Mazhorances nuk ka votim të Rregullores.

Si beson Alibeaj se do i hetojë zgjedhjet e 25 Prillit?

Marash Logu (e kujtoni Marashin?), ka gati letrat e hetimit. Ai po pret ti dorëzojë ato në Komisionin Hetimor.

Neni 24 i Ligjit për Komisionet Hetimore parashikon votim.

Nuk miratohet dot Rregullorja e Komisionit duke përjashtuar ata që kanë shumicën nga e drejta për tu bërë pjesë e hartimit dhe miratimit të rregullave të brendshme të Komisionit.

Alibeaj duhet të konsultohet minimumi me Marashin. Edhe Marashi e di që nuk i pengon dot mbajtësit e votave në emër të shumicës që të ushtrojnë të drejtën e votimit të rendit të ditës, sipas nenit 38 të Rregullores së Kuvendit.

Enkelejdi duhet të konsultohet të paktën me Marashin për çështjen e zgjedhjes së Sekretarit të Komisionit, sipas nenit 10 të Ligjit për Komisionet Hetimore.

Marashi mund t’i shpjegojë Enkelejdit që zgjedhja e Sekretarit të Komisionit nuk buron nga humori teatral i Enkelejdit, por është e drejtë që Ligji ja njeh atij që ka shumicën.

Marashi duhet që t’i sqarojë shumë gjëra Enkelejdit. Në fund të fundit nga ky komision varet nëse dosjet që mban në kurriz Marashi do të mund të shohin ndonjëherë dritën e të vërtetës.

Marashi ka detyrimin që t’i qartësojë Enkelejdit që votimi i një neni, detyron hedhjen në votim të propozimeve për ndryshine të nenit. Kështu e përcakton neni 76 i Rregullores së Kuvendit.

Pa votim Komisioni nuk përmbush dot objektivat, që Kuvendi i ka ngarkuar.

Marashi është e vërtetë që nuk arriti të bindë shqiptarët me dosjet e tija, por pasi arriti të bindë Luli Bashën që duhej ngritur Komision Hetimor për to, tani duhet të bindë Enkelejdin që kjo punë nuk bëhet dot pa votim.

Çdo veprim procedurial, që ndërmerret nga një Komision Hetimor kërkon votim.

Enkelejdi ka dy javë që bën si budalla dhe nuk lejon hetimin.

Enkelejdi duhet t’i hapë rrugë hetimit në Komision të dosjeve të Marashit.

Enkelejdit nuk i vjen në ndihmë asnjë dispozitë ligjore që ai të mund të pengojë hetimin e dosjeve të Marashit.

Vetëm nëse ka vendosur që hetimi i Marashit duhet penguar me çdo çmim.

Edhe me atë të të sjellurit si “gomar-budalla”!/CNA.al