Përjashtimi i Berishës nga PD/ Topollaj: Akti më i ulët nga Basha

27 Tetor 2021, 18:00, Politikë CNA

Anëtari i Bordit Drejtues të Bindjes Demokratike, Fabjan Topollaj e ka cilësuar si shumë të poshtër aktin e kreut të PD Lulzim Basha për përjashtimin e ish kryeministrit Sali Berisha nga grupi parlamentar demokratik.

?Berisha hyri në fushën e lojës në momentin kur u prek personalisht. Deri në atë moment Berisha ka qenë mbështetës i Bashës. Vetë ka thënë që nuk e ka ditur se njerëzit i venin pas Lulzim Bashës nga mbrapa sepse mendonin se e mbështes unë. Sali Berisha e ka bërë Lulzim Bashën këtë politikanin që është sot. Pa Sali Berishën Lulzim Basha nuk do ishte aq i fortë sa është. Është shumë e poshtër, shumë e ulët?, deklaroi Topollaj në një intervistë për Fax News, në emisionin ?Me Xhaxhiun?.

Sa i takon ndarjes së BD-së nga PD-ja, Topollaj tha se ky veprim erdhi pas djegies së mandateve dhe pas bojkotimit të zgjedhjeve lokale.

?Ne nuk e kishim këtë problemin personal që ikëm nga PD. Ne ikëm nga PD nga vendimet e çmendura që mori djegia e mandateve dhe më pas bojkotimi zgjedhjeve. Ne jemi të hapur me këdo që është pjesë e opozitës për të ndërvepruar në raporte partneriteti. Duke qenë se PD është pjesë e rëndësishmë të opozitës, ne të gjithëve na dhimbset dhe të gjithë kemi detyrim të flasim për opozitën e vendit. Është aq e vonuar gjëja sa sot ndoshta nuk mund të arrini atë që dëshironi nga vonesa. Forcë është ta mbash vulën pa asnjë anëtar?, shprehu Topollaj.

Ai gjithashtu theksoi se e sheh si diçka pozitive atë që sot po ndodh në PD, pasi sipas tij, debati sjell gjithmonë gjëra të mira.

?Kjo është preludi të asaj që kanë thënë njerëz të larguar shumë përpara. Fakti që Lulzim Basha ishte humbës që e kishte të pamundur të rrezonte qeverinë është një argument që e kam thënë që në vitin 2017. Edhe arsyeja përse ka nisur Foltorja, ne duhet të shohim rezultatin. Nëse duam të shohim një prognozë, nuk e shikoj aq pesimiste gjënë, pasi unë kam menduar se PD për shumë kohë synonte të mos linte frymën opozitare të ccelte. Po ra një parti opozitare, do të ngrihet një parti tjetër opozitare. Debati sjell gjithmonë gjëra të mira?, tha Topollaj./CNA.al