web counter
LEXO PA REKLAMA!

SHKARKO APP

App Store
Google Play

E fundit!

x

Vettingu i politikanëve/ Vehap Kola iu përgjigjet kritikëve: Çfarë keni për të fshehur

25 Tetor 2021, 18:19, Politikë CNA

Analisti Vehap Kola ka folur mbrëmjen e sotme për propozimet e Partisë Demokratike, e më konkretisht vetingut në politikë.

Në një intervistë për Alba Alishanin në emisionin ?Debati? në A2, Kola është shprehur se vettingu në politikë është i rëndësishëm për të kaluar fazën e tranzicionit, i cili sipas tij ka 30 vjet që po pengon për të ecur para.

Analisti u është kundërpërgjigjur edhe kritikëve, për të cilët thotë se kanë diçka për të fshehur dhe ndaj nuk e mbështesin hetimin e zyrtarëve të lartë.

?Ajo që ka nisur sot opozita është gjëja më e domosdoshme që i është dashur vendit. Ligjet kanë ekzistuar e më pas janë sfumuar?

Vetingu i politikanëve, i njerëzve që kanë pasur detyra të larta në administratë e Parlament, është A-ja e tejkalimit të tranzicionit.

Kemi 30 vjet në tranzicion që ngatërrohemi me këmbët tona. Grupimet e korruptuar që gabojnë se si bëhet politikë, është gjysma e hapit të parë për të bërë politikë europiane. Ka shqiptarë të interesuar që duan që kjo të ndodhë. U jep mundësi të gjitha palëve të përfshihen në proces, të mbikqyrin vettingun e mos bëhen pjesë e padrejtësive të ndryshme. Ata që e konsiderojnë si aleancë me Ramën dhe e kanë kundërshtuar, kanë diçka për të fshehur?, tha Vehap Kola./CNA.al





Lajmet e fundit nga