web counter
LEXO PA REKLAMA!

SHKARKO APP

App Store
Google Play

E fundit!

x

SHBA  po mëson nga Foltorja se me Bashën ka një kalë të ngordhur që nuk i vlejnë as patkojt

25 Tetor 2021, 14:49, Opinione CNA

Nga Ndriçim Kulla

Kuvendi  i PD duhet të mblidhet pa tjetër , për të mirën e demokracisë së brendëshme të partisë ,që është nëpërkëmbur në ekstremet e saj.Antarësia e partisë së PD po balkafaqohet  sot me të njëjta probleme me krizën e lidershipit të PD pik për pik,  si 4 vjet më parë mbas humbjese  së zgjedhjeve te Qershorit ,  si dhe humbjeve te tjera të mëdha të mëvonshme ,  të cilat u mbuluan me zvarritje  , dhe  nuk u analizuan kurre me reflektim rrënjesor siç ndodh në të gjitha demokracitë perëndimore.Kjo antarësi sot ka të njëjtat pyetje dhe të njëjtat shqetsime  të mëdha për të  shprehur së bashku me opinionin publik dhe intelektual si 4 vjet me parë..Cfarë i duhet më partia më Lulëzim Bashës kur është konfirmuar  mbi 4 herë me zgjedhje si  humbës?

Kush është përgjegjesi kryesori bojkotimit të parlamentit 3 vjet me parë? A  nuk është Lulëzim Basha? Kush është përgjegjesi kryesor i  pa ndëshkuar ende i bojkotimit të zgjedhjeve lokale të 30 Qershorit, mos vallë Edi Rama?  Besoj se e morët vesh edhe  opinionin e Komisionit të Venecias që fajtor cilësohen  ata që e bojkotuan, pra  pikërisht  lideri i PD nga ku  Basha është   autori kryesor.A nuk na del  Lulëzim Basha një drejtues që shprehe interesa të fshehta  personale me bisnesin dhe oligarkët ndonse në publik  e shprehë veten   ndryshe të mbuluar me një  mantel dhe sjellje tjeter?A nuk është Lulëzim Basha autori kryesor i dëmtimit të parteneritetit të dikurshëm që kishte PD me faktorin  strategjik amerikan për shkak të problemeve që ka ende edhe sot  me drejtesinë amerikane  si dhe për shkakë të sjelljes së tij konfuze në politikë .

A nuk eshte sjellja e tij autoritariste  në funksionimin organizativ të  partisë , klienteliste dhe tarafore në perzgjedhjen e kandidateve për depudet dhe drejtuesëve të partisë?.Shqipërisë i duhet nje parti demokratike konkuruese dhe jo një parti demokritike e stilit autoritarist ,që nesër në pushtetin e mundshëm trasfirmohet me kollajllëk  në një diktaturë qeverisese, nga e cila sot po  vuajmë deri në thellësi të qënies sonë. Prandaj Lulëzim Basha  duhet të çlirohet sot  nga ngurtësia, nga  frika dhe tmerri psikologjik i humbjes së pushtetit në parti .Kuvendin e PD  ai nuk e ndalon  dot megjithë tymin çorientus  që pëpiqet të shpërndaj  duke u orvarur të krijoj imesazhin e rremë ,se mua më mbështet Ameika? që në fakt   nuk është aspak e vërtet por plotësisht e gënjeshtërt?.

Këtë kuvend  të jashtëzakonshëm nuk e kërkon kryetari në kete rast per te votbesuar veten ,por e kerkon antaresia   për   ta trasformuar partinë,   sipas normave statutore, të riorganizoj  veten dhe te rigjej rrugën e humbur të fitores  .Kjo  kerkese  nuk del nga hici por nga problematikat e mëdha të humbjeve të cilat do ta humbisnin kuptimin e ekzistences së metejshme të kësaj partie pa  një  shkundje,  pa një ringritje   dhe një frymëzim demokratik të arsyetuar në këtë mënyrë:

1) PD e Dhjetorit ’90 paska qenë 8 vjet viktimë e një skenari afatgjatë asgjësimi apo falimentimi me një kryetar në rolin e likuidatorit të falimenti. Basha duket se ka hyrë që në ditën e parë në PD me atë mision. A kanë qenë Basha me familjen e tij të dërguarit dhe pjesë e skenarit që u luajt pas 1996 për largimin e Berishës dhe shkatërrimin e PD ?! Ajo cfarë Berisha nuk na thotë ne: Kë përfaqëson Basha në të vërtetë?!

2)  Foltorja na bëri një shërbim të jashtëzakonshmën ne shqiptarëve, por dhe partnerëve tanë, sepse po tregon:

a)Basha nuk ka asnjë mbëshrtetje në popull, aq sa në një votim të pastër ai nuk grumbullon vota as për veten e tij për të hyrë në Kuvend. Jo më kot në 25 prill Bashën e votuan vetëm 10% e qytetarëve që votuan PD (mori 16 mijë vota nga rreth 165 mijë që mori kualicioni i PD në Qarkun Tiranë). Pra de facto, për qytetarët votues  Basha nuk është më jo vetëm kryetar i PD, por ai ska asnjë të ardhme më në politikë.

b) Qytetarët shohin një krizë dhe varfëri lidershipi në PD dhe në spektrin e Djathtë. Prandaj po thërrasin sërish në skenë Berishën, por me shumë kushte dhe vetëm përkohësusht. Ata kërkojnë lidership të së ardhmes!

c) SHBA mësoi nga Foltorja se me Bashën ka një kalë të ngordhur që nuk i vlejnë as patkojt .Ai tani as për përkthyes nuk u vlen se të gënjen dhe është i pabesueshëm, përvec faktit që është injorant dhe di jo më shumë se 100 fjalë. Pra atyre u duhet tani të vendosin një partneritet të ri me PD dhe Të Djathtën, në mënyrë që e Djathta të mbetet faktor aletrnativë qeverisëse dhe pluralizimi dhe demokracia në Shqipëri të mos kthehet në një Gjysëm Diktaturë të Majtë të re.

3) E gjithë baza demokrate po shkon  me mllef në takimet e Berishës me qëllimin kryesor ti tregojnë shqiptarëve hallin e tyre kryesor: shuarjen e PD dhe opozitës nga Basha si një humbës i pashpresë. Askush nuk beson tek ai, askush nuk e do, madje edhe nënkryetarët dhe ata që ai quan bashkëpunëtorë formal të tij. Si ka mundësi që ky të jetë kaq diktator dhe të mos dorëhiqet?! Cfarë frike ka?  Cili është plani i tij? A synon ai të provokoj përplasje në oborrin e PD për të delegjitimuar kërkesën legjitime të bazës demokrate për dorëheqjen e tij?! Apo Ai dhe ndonjë deputet që do mbetet me të, do imitojnë gjoja-opozitën Gjuzi & Co?!

4) Partitë politike mbledhin kuvendet si organi më i lartë vendimmarrës kur u duhet të marrin vendime të mëdha mbi partine, programin dhe aksionin e saj politik. Ky është standart elementar demokratik. E gjithë Baza e PD  është ngritur kundër oligarkisë Basha për largimin e tij. Insistimi i Bashës për të mbajtur me dhunë vulën dhe për të zaptuar selinë e PD edhe pse po mbetet i vetëm, ngre pikëpyetje shumë të mëdha jo vetëm për formimin e tij, por edhe karakteriin e tij të vërtetë! Vetëm bandat zaptojnë territore.

5) Basha synon dhe shpreson ndarjen e PD dhe defaktorizimin e plotë të saj si forcë politike alternativë qeverisëse! Kështu defaktorizohet e gjithë E Djathta dhe Qeveria Rama vazhdon për dekada. Ky përbën një alarm për të ardhmen e pluralizmit dhe demokracisë sonë dhe duhet shmangur me cdo kusht. Kjo ndarje do jetë deri në zgjedhjet e ardhshme, sepse në zgjedhje Basha nuk merr dot vota as për veten e tij dhe del nga politika edhe de jure. Prapë se prapë 3 vjet janë shumë dhe do kenë efekte dërmuese për opzitën. Ky skenar i Bashës duhet shmangur me çdo mjet demokratik./CNA.al





Lajmet e fundit nga