“U kam shpëtuar tre tentativave për vrasje”/ Lefter Maliqi bën rrëfimin e rrallë

24 Tetor 2021, 11:30, Politikë CNA

Ish deputeti Lefter Maliqi, është ?zhveshur? nga kostumi zyrtar dhe ka dalë në një intervistë ndryshe për të rrëfyer jetën e tij personale, por edhe vështirësitë që ka kaluar, si tentativat për vrasje.

Në një intervistë për Report TV, Maliqi, i cili nga ushtarak ka mbajtur edhe poste të ndryshme në institucionet shtetërore e deri sa u bë deputet për rreth dy vite, ai ka zbuluar më shumë detaje për jetën e tij.

Maliqi pasi ka ndërruar disa parti politike, tashmë është pozicionuar pranë LSI dhe tregon arsyen pse vendosi të jetë në krah të Kryemadhit.

?Unë jam te forca politike LSI. Pavarësisht goditjes që mori në zgjedhjet e fundit, kam një besim absolut që është një ringritje. Pas lënies së detyrës kushtetuese të Presidentit, zoti Meta, e cila përfundon në korrik, jam i bindur që do të jetë në drejtimin e LSI-së bashkë me zonjën Kryemadhi dhe me ne së bashku, që kemi qenë themeluesit e LSI-së?, tha Maliqi.

Ish deputeti shton më tej se në kohën kur ka qenë drejtor i Policisë së Shtetit atij i janë bërë tre tentativa për vrasje dhe si i ka shpëtuar plumbave.

?1997-1998. unë kam qenë shefi i komisariatit. Zakonisht lëvizja vetëm dhe me shofer, por në atë rast isha vetëm. Mbaja automatikun sepse e tillë ishte situata dhe duke kaluar për në Bogovë, një rrugë aty në Novaj, aty më del personi që edhe ai është vrarë në luftë me UÇK-në në Maqedoni, a nuk e di ku është vrarë më pas, i cili më qëllon me breshëri. Shenjë makina kishte, por manovroj në moment, iki dhe vijnë forcat e Policisë së Poliçanit dhe të Skraparit ishin larg. Vihen në ndjekje por nuk e kapin, sepse unë kisha dy muaj që e kërkoja për ta kapur në pyll, sepse ishte person në kërkim. Kishte vrarë kryetarin e PSD-së së Skraparit dhe s?po e kapnim dot derisa iku në Maqedoni dhe është vrarë andej sipas të dhënave, në Maqedoni. E dyta.

E treta ka qenë po e vështirë, në Shkodër, kam qenë shefi i Policisë së Rendit, edhe në Mirditë shefi i Policisë Kriminale, po në përplasje. Në Mirditë ka qenë akoma më e vështirë sepse në Miriditë më vjen një shtetase, e cila kërkonte të bënte denoncim por s?kishte besim te policia dhe më thoshte që bëj denoncim për një vepër që s?mund ta them për etikë dhe unë ia mora letrat dhe ia çova prokurorit. Prokurori kishte frikë që të bënte veprimet për personin. Më pas kërcënohem nga ky person. Isha te dentist Gjoka në Mirditë, vjen me dy pistoleta, laçjanët ishin me automatikë jashtë. Ka qenë viti 2001.

Laçjanët ishin jashtë dhe për shkak të gjakftohtësisë përsëri, kam shpëtuar edhe me besë, – thoshin mirditorët, – të dentistit, për momentin. Më pas ky person u arrestua dhe është me burgim të përjetshëm sot sepse ka bërë disa vrasje. Vrau edhe Gani Malushin, shoferin e tij. Pra ka qenë Agim Pepa i Mirditës që u bë ngjarje e madhe dhe u akuzua për disa lloje vrasjesh edhe në atë kohë në Mirditë dhe në zonën e qarkut të Lezhës. Me një fjalë këto janë shpëtime dhe unë besoj në zot, se aty një gabim ose një gjaknxehtësi e imja ose një veprim i gabuar, të kishte ikur jeta. Por besoj në zot, vazhdoj, dallgë do të ketë jeta, e tillë është?, tha Maliqi./CNA.al