E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Basha përgjon deputetët/ Klevis Balliu: Është e jashtëligjshme

23 Tetor 2021, 14:38, Politikë CNA

Përgjimet e deputetëve nga Lulzim Basha në mbledhjet e grupeve parlamentare kanë sjellë një reagim të ashpër nga ana e demokratëve.

Ish deputeti i PD Klevis Balliu u shpreh se përgjimi i zyrtarëve është i ndaluar me ligj dhe sipas tij, në rast se ky skandal është i vërtetë deputetët duhet ta hedhin në gjyq Bashën.

I kontaktuar nga CNA.al, Balliu deklaroi se veprimet e kreut demokrat vijnë si pasojë e panikut që e ka kapur nga Foltoret e Sali Berishës, ndërsa thekson se partia, baza dhe vetë demokratët nuk e duan më.

Ish deputeti thekson më tej se Foltorja po shkon drejt të triumfi absolut dhe kjo gjë po lëkund pozitat e Bashës.

?Nëse kjo është e vërtetë kjo tregon panikun që ka kapur Lulzim Bashën, si një njeri i vetmuar dhe në panik total ai ndërmerr hapa të cilat nuk janë as nga pikëpamja ligjore përgjimi i zyrtarëve, sepse ata janë zyrtarë shtetërorë nuk është normal. Nuk ka ligj që i jep të drejtën askujt të përgjojë askënd dhe kjo është një shkelje shumë e rëndë nëse kjo është e vërtetë.

Kjo gjë tregon gjendjen e tij e cila është një gjendje në panik sepse e shikon që partia nuk e do, baza nuk e do, njerëzit nuk i besojnë, shqiptarët nuk i kanë besuar gjithë këto vite dhe tani nën panik ai kërkon të përgjojë përgjime të kolegëve , anëtarëve dhe partisë së vetë e ka bërë Stalini. Stalini i përgjonte. Paniku nga Foltorja e Berishës e shqetëson ndaj përgjon njerëzit. Nga pikëpamja ligjore nuk mund të përgjosh njeri as në zyrë askund, sepse ai nuk ka tagër të përgjojë njeri.

Përgjimet ndërmeren në prokuroi, i bën policia në rast kur ka një hetim. Ky nuk mund të bëjë përgjime. Nëse ky i përgjon është shkelje ligjore. Kjo tregon që ai nga ana psikikie ai është në një panik total sepse më shumë se çdo kush tjetër ai është i qartë që foltorja po shkon drejt një triunfi absolut, por e gjithë baza e PD pa të cilët Lulzim Basha e kushdo tjetër nuk mund të jetë as roje parkingusepse votat janë nga ata. Kjo tregon se çfarë paniku e ka kapur atë, tregon gjendjen e tij tejet të rënduar?, tha Balliu.

Ish deputeti shtoi në reagimin e tij për CNA.al se përpos fasadës që po mundohet të përdorë Lulzim Basha, ai nuk ka dashuri për partinë dhe ringritjen e saj, por vetëm për karrigen e kryetarit.

?Përpos fasadës që jep ai jo jam Hot, e vërteta është se është në panik nga humbja e karriges së tij. Ai dashurinë nuk e ka me PD e demokratët e shqiptarët, por dashurinë e ka me karrigen. Ai është gati të shkatërrojë gjithë opozitën e Shqipërinë e të lërë Ramën në pushtet 1000 vjet vetëm karrigen e tij mos ja marrin. Tani e ka kapur paniku se karrigia i iku, kjo është e gjitha?, u shpreh Balliu./CNA.al