web counter
LEXO PA REKLAMA!

SHKARKO APP

App Store
Google Play

E fundit!

x

Basha sulmon Berishën/ Demokratët kanë halle të tjera, jo të Saliut

23 Tetor 2021, 12:07, Politikë CNA

Kryetari i Partisë Demokratike, Lulzim Basha ka sulmuar hapur sot ish-kryeministrin Sali Berisha, për të cilin tha se po tenton ta kthejë PD-në në bunker, për interesat e tij personale.

Kreu i PD Lulzim Basha gjatë konferencës për mediat, u shpreh se Berisha nuk ka asnjë kompetencë statutore në parti për të thirrur Kuvendin Kombëtar.

?Sa të jem unë kryetar i PD, nuk do të ketë Kuvend Kombëtar që të mblidhet për të diskutuar vendimet e Qeverisë së SHBA?.-tha Basha.

?Unë kam thënë që detyra ime si kryetar i PD është zbatimi i statutit. Neni 3 i statutit është i qartë, sa i takon orientimit euroatlantik të PD. Ndaj kam thënë se Kuvend Kombëtar që të marrë në shqyrtim vendimet e Qeverisë së SHBA nuk ka për të pasur kurrë sa të jem unë kryetar i Partisë. Dhe qëllimi, të paktën për momentin, është përfundimi i mandatit që më kanë dhënë demokratët.

Këtë kam thënë dhe i qëndroj 100%. Tani ajo që duhet t?ju habisë ju është që njeriu që bërtet statuti, statuti, statui, i jep vetes kompetenca që nuk i ka dhe nuk mund t?i ketë me statut. Sali Berisha nuk ka ndonjë mbifuqi nga statuti i partisë, për të thirrur asnjë institucion të partisë. Partia ka institucionet e saj për statutin dhe procedurat.

Sali Berisha mund të thërrasë institucione paralele në përpjekjen e tij për ta bërë partinë bunkier për hallet e tij personale. Por demokratët kanë halle të tjera dhe prioritete të tjera. Edhe Shqiperia dhe shqiptarët. Kuvend Kombëtar kam thirrur, e do thërras pa më të voglin shqetësim sa herë të kem një çështje statutore për të vendosur?,- deklaroi Basha./CNA.al





Lajmet e fundit nga