web counter
LEXO PA REKLAMA!

SHKARKO APP

App Store
Google Play

Ndryshimet në PD e Fierit/ Anëtarët demokratë: Basha s’mund të na shkelë me këmbë

20 Tetor 2021, 17:38, Politikë CNA

Në një mbledhje urgjente që po zhvillohet në degën lokale të PD-së në Fier, kryesia shprehet se nuk njeh vendimin e Bashës dhe se anëtarët mbështesin Baçin.

Deputeti dhe drejtuesi i degës lokale të PD-së në Fier u shkarkua sot me vendim të Lulzim Bashës dhe në vend të tij, u komandua Agron Kapllanaj.

Kryesia shprehet se duan që kreu i PD, Basha të tërheqë vendimin, pasi Kapllanaj nuk është as i votuar dhe as përfaqësues i degës së PD në Fier.

?Kemi pësuar disfatë pas disfate me të dhe sërish vendosi veton pa pyetur strukturat e PD. Është e rëndë për ne nëse pranojmë të na shkelë me këmbë. Ne do të presim Kuvendin Kombëtar, të vendosin ata. Kemi firmosur 520 veta që do të thotë të gjithë këta që janë këtu kanë firmosur. Në asnjë mënyrë nuk ka të drejtë tani në këto momente, të marrë vendime jashtë statutit të PD, aq më keq jashtë strukturës së PD në Fier. Boll na ka marrë për këmbë, ia dhamë edhe votën herën e fundit, shkelëm ata të tjerët, burra e gra dhe e pritëm?, shprehet një nga anëtarët.

Ata gjjithashtu shtojnë se është shkatërruar statusi i partisë dhe se Kapllanaj është emëruar nga një kryetar, i cili në fakt nuk dihet nëse është i tillë./CNA.al





Lajmet e fundit nga