web counter
LEXO PA REKLAMA!

SHKARKO APP

App Store
Google Play

‘PS bojkoton komisionin e hetimit të zgjedhjeve’/ Bardhi i hakërrehet qeverisë: Nuk na pengoni dot

20 Tetor 2021, 13:48, Politikë CNA

Sekretari i Përgjithshëm i Partisë Demokratike, Gazment Bardhi bën me dije se PS ka bojkotuar mbledhjen e Komisionit Hetimor, i ngritur për zgjedhjet e 25 prillit.

Në një postim në rrjetet sociale, Bardhi shkruan se ata që vodhën zgjedhjet, përdorën krimin dhe paratë e korrupsionit për ti blerë , ndërsa shton se opozitën nuk do ta pengojnë dot që të ushtrojë të drejtën për hetimin parlamentar të masakrës së 25 prillit.

?Bojkoti i Komisionit Hetimor për masakrën zgjedhore të 25 Prillit nga anëtarët e Partisë Socialiste është dëshmi e qartë e papërgjegjshmërisë së tyre në raport me interesin e qytetarëve. Edhe pse kërkuar vetë që mbledhja e Komisionit të vijonte në datën 20, sot zgjodhën bojkotin. Është e qartë që ato që vodhën zgjedhjet, përdorën krimin dhe paratë e korrupsionit për të blerë vota, që përdorën shtetin në zgjedhje, nuk kanë interes për të faktuar masakrën zgjedhore. Opozitën nuk e pengojnë dot në ushtrimin e të drejtave dhe përgjegjësive të saj për hetimin parlamentar të masakrës zgjedhore të 25 Prillit?, është shprehur Bardhi./CNA.al





Lajmet e fundit nga