Luli nxjerr Hasën kundër Berishës/ Zbulohet një nga 95% e demokratëve

20 Tetor 2021, 18:58, Politikë CNA

Kreu i Partisë Demokratike Basha ka deklaruar sot se ka mbështetjen më të madhe të demokratëve, pra 95% të tyre i ka pas vetes. Këtë shifër ai e ka zbuluar nga një sondazh që e ka bërë po vetë, ndonëse realiteti është shumë ndryshe.

?Foltorja? e ish kryeministrit Sali Berisha ka treguar edhe një herë fuqinë që ai ka në bazën demokrate, duke e lënë Bashën nën hije dhe të vetmuar.

Por pas largimeve dhe shkarkimeve të një pas njëshme që Basha ka bërë ndaj atyre që i kanë dalë në krah Berishës, ai ka nisur të nxjerrë në skenë edhe ata që i kanë ngelur pranë.

Bëhet fjalë për Endri Hasën, ish deputetin e PD, i njohur ndryshe si deputeti i vezëve, është shprehur se Basha është personi i vetëm i votuar për të qëndruar në krye të selisë blu dhe për tu përballur me qeverinë.

Hasa, si një nga 95% e mbështetësve të Lulit ka deklaruar se taktikat e dështuara të 30 viteve tranzicion duhet të marrin fund.

Pra nëse demokrati i Bashës i quan dështim takimet e Berishës, çfarë mund të quaj daljet Lulit, i cili ka në krah vetëm sekretarin e tij Gaz Bardhin dhe nënkryetarët që i ka emëruar vetë.

?Demokratët s’po zgjedhim mes dy botëve por mes të shkuarës dhe të ardhmes!

Sali Berisha është pjesë e historisë së familjes tonë politike por asesi nuk mund të jetë rruga përmes së cilës ne duhet të shohim të ardhmen.

Këtë duhet ta kuptoj çdo demokrat përtej mjegullnajës së qëllimshme të krijuar nga ata që edhe 8 vitet e opozitës nuk i rehabilituan për të shpërlarë llumin e abuzimit me pushtetin kur ne ishim në qeverisje.

Sot është jo vetëm në interes të demokratëve por fillimisht të shqiptarëve që politika të gjej paqe dhe të pastrohet nga llumi i tranzicionit dhe nga njerëz që këto 30 vjet e kanë parë politikës si instrument për tu pasuruar përmes paligjsmërisë, abuzimit me pushtetin dhe bashkëpunimit me krimin e organizuar.

Të besosh se një autokolonë makinash apo flamujt me simbolin e familjes sonë politike që valëviten në salla me kapacitete prej 200 personash, është tregues se baza e demokratëve ka zgjedhur të kthej kokën pas, duke besuar se lavdia do t’i çoj drejtë pushtetit është t’i marrësh ato burra dhe gra të nderuar për naivë. Ndryshimi do të bëhet me çdo kosto.

Demokratët i besuan 4 muaj më parë, Lulzim Bashës drejtimin e PD dhe përballjen me regjimin. Përtej mjegullës dhe shfrytëzimit të emocioneve, PD është dhe do të mbetet një e vetme dhe vendi do të eci përpara.

Praktikat e dështuara të 30 viteve tranzicion duhet të marrin fund.

Si do të marrin fund?

Me fjalë?

Jo! Me vepra?, shkruan Hasa./CNA.al