web counter
LEXO PA REKLAMA!

SHKARKO APP

App Store
Google Play

Berisha: Basha dhe Rama me avokat të përbashkët Baton Stanishiqin

19 Tetor 2021, 16:21, Politikë CNA

Lideri historik i PD, Sali Berisha ka deklaruar se mbi kryetarin Lulzim Basha rëndojnë katër disfata.

Gjithashtu Berisha ka thënë se, nuk mund t’i shprehet besimi një njeriu që ka avokat të përbashkët me kryeministrin Edi Rama, duke iu referuar kështu Baton Haxhiut.

?Ne jemi forcë konservatore, besojmë te familja, te atdheu të forca jonë. Këto vlera janë shuar gjatë këtyre viteve. Të përndjekurit politikë u bënë inekzistentë, këto do të rikhehen.

Këto do shkruhen në programin që do i paraqesim Kuvendit.

Unë e quaj ringrijte, partia do marrë fizionominë që i takon. Flitet Berishistë, Bashistë të gjithë jemi demokratë. Do iu them këtyre që përpiqen tu paraqesin demokratëve disfatën si të ardhme mbi Bashën rëndojnë 4 disfata.

Ju mund të mos doni Berishën, do jeni të lirë të shprehni vendimin tuaj, por mendohuni a mund t?i shprehet besimi një njeriu që kalon nga humbja në humbje.

Së dyti, hidhni sytë ekraneve televizive, ju jeni të mençur, dhe e dini se shërbëtori i dy zotërinjëve ekziston , do gjeni avokatin e përbashkët të tyre, Baton Satnishqin, avokatin e Ramës dhe Bashës. Iu bëj thirrje të mendoheni se çfarë përfaqëson dushman Stanishqi.

Kjo ndodh vetëm në Shqipëri. Kjo është turp e faqe e zezë.

Ish kryetari juaj ka avokat në studio televizive avokatin e Ramës. Jemi katandisur në këtë gjendje ndaj ftoj miqtë tanë të mendojnë se me të ne ecim në mënyrë absolute nga disfata në disfatë. Çështja është ta merrni ju në dorë?, është shprehur  Berisha./ CNA.al





Lajmet e fundit nga