web counter
LEXO PA REKLAMA!

SHKARKO APP

App Store
Google Play

Vettingu për politikanët/ Duma: Po i themi SPAK na heto

19 Tetor 2021, 14:12, Politikë CNA

Brenda javës, Partia Demokratike do të depozitojë në Kuvend kërkesën për ndryshime Kushtetuese, në Reformën Territoriale dhe atë Zgjedhore, si edhe projektin për nisjen e Vettingut për politikanët.

Nënkryetarja e PD, Grida Duma ka folur rreth kësaj çështje në emisionin Top Talk me gazetarin Denis Dyrnjaja.

Duma është shprehur se opozita po dërgon dokumenta në SPAK dhe po kërkon të hetohen politikanët.

?Ne po çojmë një dokument që i themi SPAK na heto. Kjo është prova e parë që i themi shqiptarëve na besoni se po çojmë dokumenta për tu hetuar ne. Kjo është edhe për transparencë.

SPAK ka një kompetencë të ketë politikën në vëzhgim. Sot unë nuk kam asgjë për ta gjykuar që ka nisur në nivel drejtorësh, por drejtësia duket kur godet lart.

Jemi në situatën ku politika influencon drejtësinë, ne po prezantojmë një dokument ku drejtësia influencon tek politika?, ka thënë Duma.

E pyetur nëse do të ketë një bisedim për Reformën Zgjdhore me tutore ambasadoren Yuri Kim, Duma është shprehur:

?Unë nuk përcaktoj se çfarë roli do të mbajë përfaqësimi i SHBA në Shqipëri. Roli i ndërkombëtarëve ishte jetik, por besoj se PD, ka të gjitha kredencialet të udhëheq këtë axhendë të kësaj reforme si një forcë e madhe?, u shpreh Duma./ CNA.al





Lajmet e fundit nga