web counter
LEXO PA REKLAMA!

SHKARKO APP

App Store
Google Play

“Kemi krizë reale në parti”/ Bylykbashi: Siç iku Noka, do të iki dhe unë

14 Tetor 2021, 20:22, Politikë CNA

Deputeti Oerd Bylykbashi është shprehur se kryetari Lulzim Basha ka krijuar modelin që humb në mënyrë të vazhdueshme dhe prodhon vetëm autokracinë brenda në parti.

I ftuar në Opinion, Bylykbashi thotë se Basha merr vendime pa pyetur askënd dhe përlasja me Berishën e ka nxjerrë jashtë modelin e Bashës.

Gjithashtu, deputeti demokrat thekson se njëjtë siç është shkarkuar Flamur Noka, mund të ndodhë edhe me të.

?Kemi krizë reale që është kriza e demokracisë në parti. Modeli që ka krijuar Lulzim Basha në këto vite është që ai humbet në mënyrë të vazhdueshme dhe prodhon model gjithmonë dhe më autokratik brenda partisë. Në vitin 2013 në grupin parlamentar bëhej debat dhe i respektueshëm.

Pas asaj që ndodhi në vitin 2017 debati u hesht. Priste grupi parlamentar që Basha të merrte vendimin me aleatët që ti dëgjonte të mbante shënim dhe mos fliste. Mënyra se si i mori ato vendime për listën e 2017 prodhoi atë. Megjithatë i dhamë Bashës përsëri. Mori vendime katastrofike, djegie mandateve, mos hyrje në zgjedhje , prishje të zgjedhjeve dhe ja ku jemi sot.

Ne kemi një Bashë që merr vendime pa pyetur askënd dhe përplasja me Berishën nxori jashtë të gjithë modelin e Bashës. Siç iku Flamur Noka do iki unë, apo një tjetër, vetëm ai nuk ndryshon?,tha Bylykbashi./ CNA.al





Lajmet e fundit nga