Basha flet për oligarkë/ Rama e akuzon për gjobëvënie

14 Tetor 2021, 10:22, Politikë CNA

Kryetari i Partisë Demokratike, Lulzim Basha gjatë fjalës së tij në Kuvend, ka folur me tone të forta, duke hedhur akuza sërish ndaj biznesmenëve shqiptarë, të cilët ai i quan ?oligarkë?.

Lulzim Basha deklaroi se në vend futet naftë kontrabandë, duke përmendur edhe emra biznesmenësh në foltoren e Kuvendit,.

“Flisni për satelitë kur njerëzit nuk kanë bukë për të ngrenë sepse notoni në luks dhe pushtet. Ke harxhuar më shume darka me sheikë e kriminelë, sesa duke takuar njerëzit. E keni shkatërruar reformën në drejtësi. I bëtë rezil ambasadorët duke thënë veproni, sa dalin ata nga dera kërcasin telefonat e 184 dhe i thonë mos veproni. Bëre sikur ndërtonve ngrehinën e drejtësisë. Ti je rreziku më i madh. Është në koma prej teje. Nuk merr vesh nga drejtësia, je injorancë totale. Ti thua është shpallur në kërkim. Arrestoje. Po ti je i dënuar. Ja ku është vendimi. Është në kërkim, merre dhe arrestoje. Zaganin e çove në kërkim, ia ule kokën edhe Obamës se e çove Tahirin në Shtëpi të Bardhë. Do emra ti? Ti them unë. Të mori baca Çet. Saimiri të mori për tunelin e Llogarisë. Tirana nuk e merr vesh nëse administratori është Çet Kastrati.”-tha Basha.

Por, pas kësaj deklarate, ka ardhur reagimi i kryeministrit.

Rama i kërkoi Bashës që faktet që ai ka t?i dërgojë në SPAK dhe të mos vendosë gjoba nga foltorja e Kuvendit.

?Faktet nuk janë opinione. Faktet janë fakte dhe energjia në faturën e familjeve shqiptare që nuk ishin brenda kategorive të fashës u ul. Për ata të tjerët që gënjenin shtetit dhe vidhnin u rrit. U bë 9.5. Hajde thuaj si mund të ulet. Mos thuaj që ishte i ulët dhe u rrit. Është i pavërtetë. Më the të jap emra për kontrabandë. Akuzove një person këtu dhe more duartrokitje. Ka shifra Lulzim. Në vitin 2013 ju zhdoganonit 313 mijë ton. Tani është zhdoganuar mbi 400 mijë. Ndryshimi mes meje dhe teje është që nuk mbaj njerëz nëpër gojë. Nuk përdor të tjerë që janë në punën e tyre për të bërë politikë. E di gjithë Shqipëria që këto janë gjoba Lulzim. E dimë se çfarë ndodh kur përmendet një emër, quhet oligark, peshkaqen. E pastaj vjen heshtja.

Tani atë emër që përmende këtu, për kontrabandë, formuloje dhe çojë në SPAK?-tha Rama./CNA.al