web counter
LEXO PA REKLAMA!

SHKARKO APP

App Store
Google Play

“Ardi Veliu të hetohet dhe të japë llogari”/ Policët në lirim radhisin krimet e tij

7 Tetor 2021, 14:01, Aktualitet CNA

Shoqata e punonjësve të Policisë në lirim, kërkojnë hetim të Ardi Veliut, i cili sot është zëvendësuar nga Gledis Nano.

Sipas Shoqatës, largimi i imponuar i Ardi Veliut nga posti i Drejtorit të Përgjithshëm të Policisë është i vonuar dhe hipokrit.

?Ardi Veliu nuk mund të amnistohet me një shkarkim.

Ai është përgjegjës për thellimin e dëmit ndaj Policisë së Shtetit, trashëguar nga paraardhësit e tij rilindas duke e deformuar dhe nxjerrë atë jashtë ligjit dhe parimeve për të cilat kjo strukturë qëndron.

Me Ardi Veliun Shqipëria mban një nga vendet kryesore të trafikimit të lëndëve narkotike dhe të pastrimit të parave të zeza.Me Ardi Veliun, Policia e Shtetit u vu në shërbim të pashembullt të partisë shtet, duke lënë mënjanë dhe në harresë qytetarët.

Me Ardi Veliun, Policia sulmoi qytetarët me instrument luftarak, me gaz lotsjellës, teksa ushtronin një nga të drejtat themelore të protestës. Sulmoi me gaz lotsjellë fëmijë, gra e të moshuar duke u mësyr në shtëpitë e tyre pagdhir dita.

Me Ardi Veliun, patronazhimi për parcelat me cannabis arriti në nivele maksimale.

Përdorimi elektoral i Policisë me Ardi Veliun në interes të qeverisë në zgjedhjet e fundit ishte një nga faktorët që i faturoi Shqipërisë raportin më të zi të OSBE ODHIR?, thuhet në reagimin e Shoqatës së punonjësve të Policisë në lirim.

Ndaj ata kërkojnë që Veliu të mos amnistohet nga llogaridhënia.

?Për të gjitha këto, ai duhet të përgjigjet e të mbajë llogari para ligjit dhe drejtësisë.

Shkarkimi është thjesht legjitimimi më i turpshëm i shpërdorimit masiv që ky person ka bërë me ligjin dhe me detyrën.

Por me Ramën nuk është as i pari e fatkeqësisht as i fundit rast?, përfundon reagimi./CNA.al





Lajmet e fundit nga