web counter
LEXO PA REKLAMA!

SHKARKO APP

App Store
Google Play

Presidenti Biden nënshkruan projekt-ligjin që shmang mbylljen e qeverisë

1 Tetor 2021, 06:19, Kosova & Bota CNA

Presidenti Joe Biden nënshkroi të enjten në mbrëmje vetëm disa orë para se të skadonte afati, legjislacionin që shmang një mbyllje të pjesshme të qeverisë federale dhe e financon atë deri më 3 dhjetor. Kongresi e kishte miratuar projekt-ligjin të enjten.

Votimet e njëpasnjëshme nga Senati dhe Dhoma e Përfaqësuesve shmangën njërën krizë, por paqartësitë për një krizë tjetër vazhdojnë ndërsa demokratët dhe republikanët përballen me çështjen e rritjes së kufirit të borxhit të qeverisë.

Dhoma e Përfaqësuesve miratoi masën e financimit afatshkurtër me 254 vota pro dhe 175 vota kundër, pasi Senati e miratoi atë me një rezultat 65-35.

Shumica e republikanëve në të dy dhomat votuan kundër saj.

Legjislacioni ishte i nevojshëm që qeveria të vazhdonte të funksionontepasi viti aktual financiar të përfundonte në mesnatën e së enjtes.

Miratimi u jep ligjvënësve më shumë kohë për të hartuar buxhetin që do të financojë agjencitë federale dhe programet që ato administrojnë.

Paralelisht me përpjekjet për ta mbajtur qeverinë hapur, demokratët vazhdojnë përpjekjet për të siguruar mbështetje të mjaftueshme brenda partisë së tyre për të miratuar përparësitë kryesore ekonomike të zotit Biden, përfshirë një projekt-ligj dypartiak infrastrukture prej 1 trilion dollarësh që rrezikohet të bllokohet në Dhomën e Përfaqësuesve .

Të fokusuar tek programi ekonomik i zotit Biden, demokratët u tërhoqën nga një betejë politike mbi kufirin e borxhit në projekt -ligjin përfinancimin e qeverisë, duke vendosur ta shkëpusin çështjen e financimit të qeverisë nga ajo e tavanit të borxhit nën këmbënguljen e e republikanëve.

Nëse ky kufi nuk rritet deri më 18 tetor, SHBA ndoshta do të përballet me një krizë financiare dhe recesion ekonomik, tha Sekretarja e Thesarit Janet Yellen./VOA





Lajmet e fundit nga