web counter
LEXO PA REKLAMA!

SHKARKO APP

App Store
Google Play

Mbledhja e grupit të PD/ Basha: Prioritare ngritja e 3 komisioneve hetimore

27 Shtator 2021, 14:57, Politikë CNA

Pasditen e sotme kryetari i Partisë Demokratike, Lulzim Basha ka mbledhur kryesinë e Grupit Parlamentar të PD.

Sipas asaj që raportohet Basha ka kërkuar në mbledhjen e grupit ngritjen e tre komisioneve hetimore, një për zgjedhjet e 25 prillit, për çështjen Becchetti dhe inceneratorët.

1- Komision hetimor për masakrën zgjedhore që u konfirmua edhe nga raporti i OSBE/ODIHR. Parësore për këtë komision hetimor do të jetë vjedhja e të dhënave private dhe personale të shqiptarëve, keqpërdorimi i aseteve dhe funksioneve publike, abuzimi me fondet e rindërtimit për qëllime elektorale, abuzimi me legalizimet në këmbim të votës. Punësimet e paligjshme në administratën publike dhe blerjen e votës.

2- Komision hetimor për çështjen Becchetti. Lufta personale e Edi Ramës me sipërmarrësin italian do t?u kushtojë qytetarëve më shumë se 120 milionë euro.

3- Komision hetimor për Inceneratorët, një aferë mafioze, kriminale që përfshin zyrtarët më të lartë të shtetit shqiptar. Kallëzimet tona penale vazhdojnë të zënë pluhur nëpër prokurori?, ka deklaruar kreu i PD.

Mësohet se  Jorida Tabaku do të jetë kryetare e Komisionit Hetimor për Inceneratoret ndërsa kryetar për Komisionin e hetimit të masakrës  zgjedhore do të jetë Enkelejd Alibeaj.

Kryetar për Komisionin hetimor për Becchettin do të jetë Gazment Bardhi./ CNA.al





Lajmet e fundit nga