web counter
LEXO PA REKLAMA!

SHKARKO APP

App Store
Google Play

Juventusi është rikthyer, bardhezinjtë marrin fitoren e dytë radhazi

26 Shtator 2021, 13:00, Sport CNA

Juventusi ka arritur të korrë suksesin e dytë radhazi në kampionat teksa pas Specias në transfertë tani e ka radhën Sampdoria në stadiumin ?Allianz? me rezultatin 3-2. Sfida nisi furishëm për bardhezinjtë e Masimiliano Alegrit ku Paulo Dibala realizoi një supergol, por 11 minuta më vonë pikërisht ylli argjentinas u kushtëzua të linte fushën e blertë i përlotur pas një dëmtimi që pësoi.

Në minutën e 43? ishte Leonardo Bonuçi i cili shënoi golin e 2-0 me 11-metërsh, pasi lojtari i dorianëve preku me dorë topin. Një minutë më vonë ishte Joshida ai që rihapi sfidën duke ngushtuar diferencat në 2-1 në minutën e 44?. Manuel Lokateli ishte autori i golit të tretë të Juventusit në minutën e 57? i cili shtyu topin në rrjetë.

Minutat e fundit ishin të ?zjarrta? teksa ish-interisti Antonio Kandreva rihap sërish sfidën në 3-2, por pa mundur dot që Sampdoria të surprizonte ?Zonjën e Vjetër? ditën e sotme. Me këtë sukses Juventusi ngjitet në vendin e 9 në kuotën e 8 pikëve, ndërsa Sampdoria klasifikohet në vendin e 14 në kuotën e 5 pikëve.





Lajmet e fundit nga