"Hijenat" që po shqyejnë PD-në

18 Shtator 2021, 11:58, Politikë CNA

Nga Elvi FUNDO

Partia Demokratike, duket në ditët e saj më të zeza, ndoshta në 30 vite demokraci.

Humbjet e njëpasnjëshme, dështimet, kauzat e braktisura, përçarja dhe shkatërrimi i strukturave nga kreu i PD-së, Lulzim Basha, është vetëm njëra anë e ?medaljes?.

Një tjetër detaj janë edhe ?hijenat? që po shqyejnë edhe atë pak që ka mbetur nga Partia Demokratike.

Në fakt, vëmendja duket se është përqëndruar tek ngjarjet e fundit politike, shpallja non-grata nga DASH, më pas përjashtimi i tij nga Grupi Parlamentar i PD-së me një vendim personal të Lulzim Bashës dhe së fundi lëvizjet ish-kryeministrit dhe zbritja e tij në terren.

Por, ndërsa gjithë vëmendja e opinionit publik është tek Sali Berisha, “hijenat” kanë filluar të nxjerrin kokën.

Një ndër ta është edhe Agron Gjekmarkaj, i cili e mban veten për profesor, por po e tregon veten si një ?palaço publik?, që shkon pas interesit të tij, vetëm e vetëm për një karrige deputeti. Dhe tashmë duhet ta dëgjojë edhe Doktori. Është qesharake, e neveritshme.

Është akoma më shumë e neveritshme, të marrë leksione nga Fitim Zekthi, një ish-i dënuar për mashtrim.

Apo ti flitet nga një tufë ?kokë boshe? për aleancën shqiptaro-amerikane, dhe t?i tregojnë kontributet e tij dhe faktin pse duhej të ishte tërhequr.

?Kokë boshët?, përballë historisë, jo vetëm të PD-së, por edhe të Shqipërisë. Dhe vjen një ditë, për shkak se nuk iu është përgjigjur në telefon apo se nuk i ka respektuar sa duhet, që ata flasin. E nënvleftësojnë, e sulmojnë, e akuzojnë dhe janë të gjithë rreth Lulzim Bashës.

Dhe vjen një ditë që e keqja mblidhet e gjitha bashkë. Një e keqe që e shkatërroi në këto vite Partinë Demokratike. Që e çoi në katër-pesë humbje radhazi. Një e keqe që ndërtoi elita shkatërruese brenda partisë, e cila bashkohet, bashkohet, forcohet dhe një ditë sulmon Sali Berishën.

Është qesharake sjellja e disa personazheve politikë, si për shembull Fatbardh Kadilli, që Berisha e ka pasur këshilltar dhe e bëri edhe deputet. Tani del e flet dhe Fatbardh Kadilli e duhet ta dëgjojnë demokratët, leksionin e tij.

Njeriun që ishte sekretar i PD-së dhe i rrihte rrugëve nga qytetarët. Dhe e vuri Lulzim Basha, për ta përdorur për të goditur demokratët.

Duhet të dëgjojnë Enno Bozdon, njeriun që e vuri sekretar Lulzim Basha, që shkatërroi strukturat e PD-së. Sot duhet ta dëgjojë dhe Sali Berisha, se vjen një ditë dhe Enno Bozdo është faktor në PD.

Mund të ketë shumë emra të tjerë, përfshirë këtu edhe ato zëra që pretendojnë se janë ?Grupimi për PD?-në, apo zëra që kanë qënë kundër Lulzim Bashës.

Dhe tashmë që të gjithë për hesap të vet, secili sulmon, godet dhe akuzon.

Disa godasin Lulin, pasi i shërbyen dhe ai i hodhi ?në kosh?, të tjerë godasin Lulin se ai nuk i përfilli fare. Ata të Lulit godasin Berishën dhe ajo është më e dhimbshmja.

Dhe në finale vjen një ditë që shikon jo vetëm Doktori, se çfarë po ndodh me partinë e tij, por po shohin dhe shqiptarët sesi “hijenat” po shqyejnë sa të mundin ushqimin që kanë përpara.

Dhe pa përjashtim janë një grup hijenash që po shqyejnë PD-në. Që nga Lulzim Basha dhe kasta e tij, e të tjerët me radhë që ai i ka përdorur, i ka hedhur dhe tani po nxjerrin kokën.

Në fakt këta janë vetëm disa nga emrat që i janë vërsulur PD-së, dhe po e shqyejnë si hijena. Ka edhe shumë e shumë emra të tjerë, por do i themi një e nga një.

Të gjithë po nxjerrin “thikat, shpatat, kamat, sfurqet” dhe i vërsulen Berishës. Dhe duke iu vërsulur atij, i vërsulen dhe Partisë Demokratike.

Tashmë ka ngelur të shohim sesi po e ?vrasin? forcën që ndryshoi Shqipërinë 30 vite më parë dhe një parti politike, e cila mirë apo keq, është shpresa e gati gjysmës së shqiptarëve./CNA.al

Dhe vjen një ditë…

Përjashtimi i Berishës i padrejtë/ Gjekmarkaj: Një akt i detyruar

?Kjo është luftë për pushtet?/ Kadilli mesazhe Bashës dhe Berishës

Agron Gjekmarkaj si palaço publik

Plas ?lufta? në PD/ Kush janë tre bashistët, kundër Berishës

“Kthetrat” e Soros në PD/ Rilindja Demokratike ?demaskon? Bashën, kush është sekretarja e re

Skandali-dokumentet/ Basha zgjedh një të dënuar si mashtrues për propagandën

“PD në krizën më të thellë prej 30 vitesh”/ Tjetër zë kundër Bashës: Shkeli statutin, të dorëhiqet