E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Berisha lë Bashën në hije/ Sfida brenda PD-së

16 Shtator 2021, 18:29, Politikë CNA

Lulzim Basha sot më një strategji të tij, u përpoq që ti ngushtonte sa më shumë audiencën ish kryeministrit Sali Berisha dhe startin e foltores së tij në Tiranë.

Në një përplasje me Lulzim Bashën pas përjashtimit që ky bëri i vetëm pa pyetur asnjë stukturë, pa mbledhur asnjë nga institucionet e Partisë Demokratike, Basha lëvizi me një formë tjetër sot. Ai tentoi që ti bllokonte ekranin Berishës, apo minimalisht t?ia ndante atë, pra të ishin dy vetë kur fliste.

Mesaduket deri diku i shërbeu dhe Edi Rama. Kryeministri nuk shkoi në orën 16 në Parlament dhe fjala e Bashës ndodhi rreth orës 18 e 10, moment kur ish kryeministri Sali Berisha kish filluar të flistë në foltoren e tij në Rogner, në një sallë të tejmbushur dhe me njerëz që qëndronin edhe jasht.

Disa qindra vetë të cilët për gati dy orë folën, shtruan pyetjet dhe dëgjuan ish kryeministrin të argumentonte me fakte pse Lulzim Basha duhet të ikte dhe cilët qenë hapat për bashkimin e Partisë Demokratike.

Nga ana tjetër Luli tentoi që fjalën e tij ta mbante paralel gjatë kohës kur do fliste Berisha dhe ti ulte audiencën televizive. Gjithashtu kjo do të ishte dhe qasja në rrjetet sociale.

Por çfarë ndodhi? Ish kryeministri Berisha live në rrjetet sociale mundi të kishte mbi 11 ndjekës ndërsa Lulzim Basha kurrë nuk shkoi më shumë se 1600 deri në 1700 të tillë.

Në televizione Lulzim Basha kërkoi ta sfumonte Berishën, por Berisha ishte emocional, agresiv si gjithmonë, ndërsa Basha thuajse e vuri në gjumë kabinetin qeveritar ku Arben Ahmetaj dukej duke hapur gojën apo Belinda Balluku duke varur kokën. E kështu me radhë i gjithë kabineti me gjithë kryeministrin që ishte gati te ngrinte këmbët mbi tavolinë për të gërhitur gjatë fjalimit të Lulzim Bashës.

Ndoshta do të kishin dashur ta kishin Berishën në Parlament, ndoshta do të kishin dashur të ishin vetë tek Rogner për ta dëgjuar sepse Luli i lënë aty vetë, i nxirë, i lodhur, i rraspakitur, nuk i jepte dot as ritëm Parlamentit, nuk kishte as parlamentarizëm, nuk kishte asgjë, kishte thjesht një Lul të mbaruar përballë që Berisha sot e la në hije dhe e mundi publikisht edhe pse Basha tentoi të bënte lëvizjet e tij taktike por kuptohet, lëvizjet e Lulzimit, kur nuk ke mbështetjen e shumicës së partisë janë të pavlera, pasi Basha nuk ka qenë dhe nuk është kurrë kryetar i PD. Tashmë është thjesht dhe vetëm një mbetje e përkohshme në drejtimin e Partisë Demokratike./CNA.al