web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Kim takim me Etilda Gjonajn: Me kontributin e saj ka filluar të japë rezultate

7 Shtator 2021, 16:15, Politikë CNA

Ambasadorja e SHBA, Yuri Kim ka falenderuar ministren e Drejtësisë Etilda Gjonaj për kontributin e saj për Reformën në Drejtësi.

Ndër të tjera Kim u shpreh se SHBA do të vazhdojë të mbështesë fuqishëm zbatimin e Reformës në Drejtësi në Shqipëri.

Ambasadorja thekson se drejtuesit dhe institucionet e drejtësisë duhet të vazhdojnë përpara për të dhënë më shumë rezultate që i shërbejnë popullit.

?U takova Etilda Gjonaj për ta falënderuar ndërsa përfundon mandatin e saj të jashtëzakonshëm si Ministre e Drejtësisë, personi me jetëgjatësinë më të madhe dhe gruaja e parë në këtë pozicion kyç. Ne vërejmë veçanërisht udhëheqjen e saj mbi reformën në drejtësi, e cila – me kontributin e saj – ka filluar të japë rezultate.

SHBA do të vazhdojë të mbështesë fuqishëm zbatimin e reformës në drejtësi në Shqipëri. Shpresojmë që të gjithë drejtuesit dhe institucionet e drejtësisë do të vazhdojnë të ecin përpara për të dhënë më shumë rezultate që i shërbejnë popullit të Shqipërisë, që plotësojnë standardet e BE dhe që Shqipëria të afrohet me SHBA?, shkruan Kim në Twitter./ CNA.al





Lajmet e fundit nga