web counter
LEXO PA REKLAMA!

SHKARKO APP

App Store
Google Play

E fundit!

x

Fillimi i sezonit të ri parlamentar/ BE mesazh të fortë politikës

7 Shtator 2021, 10:25, Politikë CNA

Ambasadori i BE në Tiranë, i ka drejtuar mesazhe të forta klasës politike në Shqipëri, me fillimin e sezonit të ri parlamentar.

Në një intervistë për Panorama, Soreca kërkoi që parlamenti i ri të bashkëpunojë, për të çuar përpara reformat, që sipas tij janë të nevojshme për procesin e integrimit në BE.

?Pres që Parlamenti i ri, në tërësi, të vazhdojë të shtyjë përpara zbatimin e të gjitha reformave të nevojshme për integrimin e Shqipërisë në BE. Pres që Parlamenti i ri, në tërësi, të jetë i gatshëm për të marrë vendime të rëndësishme dhe, nganjëherë të vështira, mbi reformat vendimtare për vendin, si Reforma Zgjedhore, përfshirë financimin e partive, si dhe Reforma në Drejtësi, në kuadrin e përparësive të përgjithshme dhe kombëtare të së ardhmes së Shqipërisë në BE. Ka shumë punë përpara, si dhe çështje komplekse, të tilla si rimëkëmbja ekonomike e vendit pas tërmetit dhe pandemisë, apo lufta kundër ndryshimeve klimatike dhe mbrojtja e mjedisit, të cilat mund të trajtohen vetëm nëpërmjet angazhimit ndërpartiak.?-tha Soreca.

Sipas Sorecës, vetëm duke vepruar kështu, mund të arrihet që BE, të hapë dyert për Shqipërinë.

?Ndaj, pres me padurim sezonin e ri politik dhe punën me kabinetin e ri Rama, si dhe me ekipin e ri të kryetarit të PD-së, Basha, dhe partitë e tjera që do të risjellin në Parlament zërin e nevojshëm të opozitës. Unë kam besim se ekipet e reja, Parlamenti në tërësi dhe aktorët jopolitikë, janë të gjithë gati për të ecur përpara, të vetëdijshëm se vetëm duke vepruar kështu mund të sigurojnë arritjen e përparësisë kombëtare dhe ndërpartiake të integrimit të Shqipërisë në BE, duke filluar me Konferencën e parë Ndërqeveritare (IGC) mes BE-së dhe Shqipërisë, që do të shënojë zyrtarisht hapjen e bisedimeve të pranimit.?-deklaroi ambasadori Soreca./CNA.al





Lajmet e fundit nga