web counter
LEXO PA REKLAMA!

SHKARKO APP

App Store
Google Play

Berisha "shuplakë" Bashës/ "Opozita në pikën më kritike"

6 Shtator 2021, 20:09, Politikë CNA

Ish kryeminsitri Sali Berisha është shprehur se opozita është në pikën më kritike të saj.

I ftuar në emisinin “Now” me moderatoren Erla Mëhilli, Berisha tha se gabimi i opozitës është që të gjitha palët edhe kryetari edhe kundërshtarët e kryetarit ranë dakord të hapnin fushatën elektorale.

Gjithashtu, theksoi se opozita po e nis jetën paralamentare me një mandat të tretë të humbur si dhe me 60 mijë vota më pak se në 2013.

Berisha nënvizon se gabimi i kreut të PD, Lulzim Basha është se u bë pjesë e zgjedhjeve pasi u publikuan një milion të dhënat e qytetarëve.

“Opozita është në ditën më kritike që nga themelimi. Shqipëria është në gjendje kritike. Unë e kam shprehur kundërshtinë time për hapjen e fushatës brenda PD.

Unë gjykoja etike evidentimin e masakrës zgjedhore dhe pastaj analizën. Se unë nuk them që PD nuk kishte përgjegjësitë e veta për rezultatin.

Ajo që ishte e çuditshme, është që të gjitha palët edhe kryetari edhe kundërshtarët e kryetarit ranë dakord të hapnin fushatën elektorale. PD e nis jetën parlamentare me 60 mijë vota ma pak se në 2013.

Të isha unë kryetar partie, nuk do merrja pjesë në zgjedhje kur u publikuan 1 milion të dhënat e qytetarëve”, tha Berisha./ CNA.al





Lajmet e fundit nga