E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Largimi i të rinjve/ Bregu zbulon planin për shërimin e kësaj “plage”

7 Shtator 2021, 11:07, Politikë CNA

Sekretarja e Përgjithshme e Këshillit të Bashkëpunimit Rajonal, Majlinda Bregu gjatë një conference të zhvilluar në Shkup, është ndalur tek largimi i të rinjve, drejt BE-së.

Bregu, theksoi se për zgjidhjen e kësaj po mendohet nisja e një koalicioni rajonal mbi punësimin dhe zhvillimin e aftësive të të rinjve në rajon.

Sipas Bregut, korrupsioni, niveli i ulët i jetesës dhe papunësia janë arsyet pse të rinjtë po largohen nga vendet e rajonit, drejt një jete më të mirë.

Gjithashtu ajo theksoi se shpresat për mbajtjen e të rinjve në vend janë shfrytëzimi i potenciale të integrimit dhe bashkëpunimi ekonomik rajonal, në mënyrë që të krijohet treg pune për të rinjtë në të gjithë rajonin.

?Ende ka interes të lartë të të rinjve për të qëndruar në rajon. Dhe ky është avantazhi ynë. Ata janë pasuria jonë më e madhe. Ato janë motori që nxit bashkëpunimin rajonal dhe pranimin në BE sepse i shohin mundësitë dhe nuk mbajnë bagazhin historik të konfliktit nga brezat e mëparshëm. Papunësia, korrupsioni janë disa nga sfidat kryesore me të cilat po luftojmë, gjithashtu dhe sfidat ekonomike janë të vazhdueshme, ky është një fakt i ditur, por pyetja e vërtetë është se si mund të shfrytëzojmë potencialin e integrimit dhe bashkëpunimit ekonomik rajonal? Tregu i Përbashkët Rajonal është një nga mundësitë. Nuk do mend se 6 është më e madhe se 3, por është e domosdoshme që gjashtë të kenë sukses në zbatimin e CRM dhe të mos bllokojnë njëri -tjetrin. Papunësia e të rinjve ishte 35.1% në Ballkanin Perëndimor në vitin 2020 krahasuar me 16.8% në BE. Vetëm duke e njohur këtë si një problem të madh, ne mund të fillojmë të gjejmë mënyra për ta zgjidhur atë. Skema e Garancisë së të Rinjve mund të ndihmojë në këtë drejtim dhe unë përgëzoj Maqedoninë e Veriut që është pioniere në zbatimin e saj ?, tha Bregu.

Më tej, Bregu bëri thirrje për mbështetje në nisjen e Koalicionit rajonal mbi punësimin dhe aftësitë, i cili do të sigurojë që kompanitë të zhvillojnë dhe mbajnë grupin e talenteve në Ballkanin Perëndimor.

?Ky është një nga shembujt konkret për të bërë një përparim në lëvizshmërinë rajonale. Ky është një mjet i cili do të mbajë të rinjtë tanë në rajon,? shtoi Bregu.

Përmes Projektit Rinor të Ballkanit Perëndimor të financuar nga BE, Këshilli i Bashkëpunimit Rajonal po ndërmerr hapat dhe veprimet e nevojshme për të përfshirë më shumë të rinjtë në procesin e vendimmarrjes në Ballkan.