web counter
LEXO PA REKLAMA!

SHKARKO APP

App Store
Google Play

Shtimi i rasteve me Covid/ Hyjnë në fuqi masat e reja në kufi

6 Shtator 2021, 06:18, Lifestyle CNA

Kanë hyrë në fuqi,  që pa mesnatës së të dielës, masat e reja anti-Covid, për të gjithë ata që do të hyjnë në territorin e Shqipërisë.

Masat u bënë publike, nga Komiteti Teknik i Ekspertëve  me 30 gusht.

Janë tre kushte që duhet të plotësojnë shtetasit që duan të hyjnë në vendin tonë.

Ndërsa për qytetarët shqiptarë rezidentë në Shqipëri, të cilët kthehen në atdhe dhe nuk kanë një nga dokumentet e sipërcituara, duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.

Duke filluar nga data 6 Shtator, qytetarët të cilët hyjnë në Republikën e Shqipërisë nga të gjitha pikat kufitare duhet të plotësojnë një nga këto tre kushte:

Të kenë pasaportën e vaksinimit, ku nga data e vaksinimit të plotë të kenë të paktën dy javë.

Të kenë testin PCR negativ brenda 72 orëve ose testin e shpejtë të antigenit brenda 48 orëve.

Të kenë provë të kalimit të infeksionit Sars-Cov2, të vlefshme deri në 6 muaj pas shërimit.

Këto rregulla janë të vlefshme edhe për ata qytetarë të cilët kalojnë tranzit në Shqipëri.

Fëmijët deri në 6 vjeç nuk i nënshtrohen këtyre rregullave

Qytetarët shqiptarë rezidentë në Shqipëri, të cilët kthehen dhe nuk kanë një nga dokumentat e sipërcituara, duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.

Në ndërtesën e aeroporteve do të lejohen të hyjnë vetëm pasagjerët që udhëtojnë, duke shmangur shoqërimin nga familjarë të tyre. Këta pasagjerë duhet të zbatojnë me rigorozitet mbajtjen e maskës, ashtu siç është rekomanduar dhe siç po reflektohet ky ndryshim edhe në protokollin e funksionimit normal të aeroporteve.

Ashpërsimi i masave anti-COVID erdhi për shkak të rritjes së konsiderueshme të rasteve të infeksionit në vend, si pasojë e përhapjes së variantit Delta. Në 24 orët e fundit në vend u regjistruan 3 viktima dhe 896 raste të reja infeksioni./CNA.al





Lajmet e fundit nga