Dosja e Dibrës kap Qeverinë dhe partinë

2 Shtator 2021, 13:30, Aktualitet CNA

Në Asamblenë Kombëtare të Partisë Socialiste, kryeministri Edi Rama prezantoi emrat e kabinetit të Qeverisë së re, por edhe ndryshimet në strukturat e partisë.

Në Qeveri u ndryshuan gjashtë ministri, ndërsa në parti u ndryshua i gjithë sekretariati si dhe caktuan drejtuesit politikë në qarqe.

Ashtu siç CNA.al, kishte paralajmëruar ikën ca burra, ndenjën disa të tjerë dhe Qeveria u bë me shumicë grash.

Dhe përtej faktit, që ka më shumë gra në qeverisje, shumica e kabinetit është ruajtur, pasi lëvizjet kanë qenë të pakta, ku më thelbësorja ishte ndryshimi i drejtueses së Ministrisë së Financave.

Dy politikanë të PS, emrat e të cilëve kanë dalë në përgjimet e ?dosjes 184? u pozicionuan nga Rama në poste kyçe.

Damian Gjiknuri mori postin politik më të rëndësishëm në Partinë Socialiste pas kryetarit, pra u bë numri dy i PS.

Ndërkohë nga ana tjetër Ministër Drejtësie është emëruar Ulsi Manja , deputet Dibrës, pjesë e dosjes 184, i cili do të drejtojë edhe Qarkun e Dibrës.

Ky është lajmi më i ri i Qeverisë, përtej shumicës së grave apo në ndonjë surprize të shpallur nga Edi Rama, e cila kryesisht duket se është në parti më shumë se sa në Qeveri.

Gazeta prestigjioze gjermane, në vitin 2019, botoi audio-përgjime të nga dosja e Dibrës që ndryshe njihet si ?dosja 184?.

Në përgjimet e publikuara del edhe biseda mes ish-ministrit Damian Gjiknuri dhe ish-drejtuesit të PDIU-së në Dibër, Ymer Lalës, i denoncuar gjerësisht nga opozita. Ai ka mbledhur kartat e identitetit votuesve dhe flet nëse tja kthej prapë mbrapsht ose jo.

Gjiknuri dhe Lala bisedojnë për një rezultat zgjedhjes dhe që e cilësojnë si sukses.

Ymer Lala: Hë mor zotëri.

Damian Gjiknuri: Tërmet, tërmet! Tërmet i q?nanën.

Ymer Lala: Çfarë kemi bërë ne të dy.

Damian Gjiknuri: Tërmet!

Ymer Lala: Po më shkruante ai robi. I thashë a po fle gjumë. Tha jam habit me Selishtën dhe Luzninë (dy fshatra në Dibër). I thashë s’e paske njohur Damian Gjiknurin dhe mua nga afër.

Damian Gjiknuri: Hahahha Tërmet, tërmet!

Ymer Lala: Hajde, se mbaroi.

Damian Gjiknuri: I q?robtë. Doli llafi jot. Doli llafi jot me 1 mijë vota plus.

Ymer Lala: Me gjithë mend nuk më paske njohur nga afër.

Damian Gjiknuri: Edhe ti mua, edhe unë ty.

Në audio-përgjimin të njëjtës dosje publikuar nga BILD, dëgjohet biseda mes shefit komisariatit të Dibrës Robert Ago, i cili kërkon të transferohet në Bulqizë si shpërblim për punën e bërë në zgjedhje, dhe nga ana tjetër e telefonit janë deputetët e PS, Ulsi Manja dhe Xhamal Qefalia.

Aga komunikon me Qefalinë dhe Manjën të cilët i premtojnë ta ngrenë në detyrë, ndërkohë që Tahiri e falënderon për punën e bërë./CNA.al