Bie “qeveria” e Top Channel/ Rama shënon “gol” në minutën shtesë

2 Shtator 2021, 10:16, Politikë CNA

Partia Socialiste ka mbledhur sot Asamblenë, ku ndër të tjera kryeministri Edi Rama ka publikuar edhe emrat e ministrave të rinj të kabinetit ?Rama 3?.

Kështu Arben Ahmetaj do të vijojë të jetë ministër Rindërtimi dhe krahas saj do të jetë edhe në detyrën e zv/ kryeministrit.

Olta Xhaçka, Niko Peleshi, Bledi Çuçi, Belinda Balluku, Evis Kushi, Ogerta Manastirliu, Elva Margariti, Elisa Spiropali do vijojnë të qëndrojnë në krye të dikastereve të mandatit të shkuar.

Surprizë është Delinda Ibrahmaj në krye të Financave dhe Ekonomisë, Ulsi Manja në krye të Drejtësisë, ndërsa Frida Krifca në krye të ministrisë së Bujqësisë.

Gjithashtu ky mandat do të ketë katër ministri shteti. (Lexo këtu)

Ndërsa pritej mbledhja e Asamblesë së Partisë Socialiste, në media kanë qarkulluar disa emra, të cilët pretendohej se do të ishin pjesë e kabinetit ?Rama 3?.

Një ditë më parë, Televizioni Kombëtar Top Channel, nxori disa emra, për të cilët raportonte se do të ishin pjesë e kabinetit qeverisës.

Në shkrimin e Top Channel përmendeshin emra si Megi Fino, vajza e ish-deputetit të ndjerë Bashkim Fino, apo Adea Meidani, vajza e ish-presidentit Rexhep Meidani, për të cilën thuhej se Rama do ta bënte ministre të Ekonomisë.

?Megi Fino, vajza e deputetit të ndjerë Bashkim Fino aktualisht zëvendës ministre e Punëve të Jashtme, mund të jetë një prej prurjeve të reja nga Edi Rama në skuadrën e tij qeverisëse.

Adea Meidani, vajza e ish presidentit socialist, Rexhep Meidani e shkolluar në Paris me një eksperiencë pune në Londër e specializuar për taksat ndërkombëtare, shihet si një kandidate potenciale nga Edi Rama, për t?i besuar drejtimin e Ministrisë së Ekonomisë gjithnjë nëse do t?i shkojë skenarit të ndarjes të Ministrisë së Financave nga Ekonomia.

Ekziston mundësia i tha një burim Top Channel e ristrukturimit të Ministrisë së Punëve të Jashtme, duke e kaluar Integrimin si ministri më vete.

Kandidati më potencial për ta drejtuar është diplomati i karrierës, Zef Mazi aktualisht krye-negociator i Shqipërisë me Bashkimin Europian.?-shkruante dje Top Channel.

Por, Rama i ka surprizuar, dhe emrat që përmend një ndër mediat më afër qeverisë, në fakt nuk janë pjesë e kabinetit ?Rama 3?./CNA.al

Zbulohen ministrat e rinj të qeverisë “Rama 3″/ Kush mbeti dhe kush u largua