web counter
LEXO PA REKLAMA!

SHKARKO APP

App Store
Google Play

107 të arrestuar/ Veliu paralajmëron nga Spanja: Do konfiskojmë pronat 

1 Shtator 2021, 09:41, Kronika CNA

Policia Kombëtare spanjolle, autoritetet nga Gjermania dhe Shqipëria, me mbështetjen e EUROPOL, kanë kryer një mega-operacion kundër krimit të organizuar me origjinë shqiptare. Në kuadër të këtij operacioni, u bë e mundur arrestimi i 107 personave, që dyshohet se janë pjesë e kësaj bande kriminale të trafikut dhe kultivimit të lëndëve narkotike, si dhe sekuestrimi i një sasie droge.

Edhe drejtori i Përgjithshëm i Policisë së Shtetit Ardi Veliu, ndodhet në Madrid, ku po merr pjesë në konferencën e përbashkët, për prezantimin e rezultateve të megaoperacionit të përbashkët të koduar ?DOBRA?.

Gjatë fjalës së tij, ndër të tjera Veliu paralajmëroi se do të konfiskohen pronat e përfituara nga trafiku i drogës.

?Siç e përmendet kolegët parafolës për gati 1 vit pune të gjatë investiguese dhe hetimore është finalizuar ky operacion i madh ndërkombëtar. Policia shqiptare ka ndihmuar dhe kontribuar për shqiptarët e përfshirë dhe të identifikuar. Duke u mundësuar kolegëve spanjollë thellimin e hetimeve. Kjo vërtetoi edhe njëherë që policia shqiptare është e pjekur jo vetëm profesionalisht por edhe një partner i besueshëm për agjencitë e zbatimit të ligjit. Duke bërë të mundur goditjen e krimit të organizuar atje ku ka të përfshirë shtetas shqiptarë. Nuk do mjaftohemi me ndalimin e operacionit në këtë stad. Por do të vazhdojmë në vendin tonë duke identifikuar pronat që kanë ardhur si rezultat i këtij aktiviteti kriminal për të gjithë shtetasit e përfshirë. Me goditjen në pjesën ekonomike mund ta paralizojmë këtë grup. Pavarësisht se ky është operacioni i parë i përbashkët me kolegët spanjollë besoj se do vazhdojmë edhe në të ardhmen me operacione të përbashkëta?, tha Veliu./CNA.al

Megaoperacioni/ Arrestohen 107 persona, sekuestrohet drogë, armë, mjete luksoze dhe para





Lajmet e fundit nga