web counter
LEXO PA REKLAMA!

SHKARKO APP

App Store
Google Play

E fundit!

x

Shpërndanin lëndë narkotike në zonat e kryeqytetit/ Policia vë në pranga përgjegjësit

1 Shtator 2021, 09:25, Kronika CNA

Tre persona janë arrestuar në Tiranë ditën e sotme nga policia, pasi shpërndanin lëndë narkotike në zona të ndryshme të kryeqytetit. Ndërkohë janë shpallur në kërkim edhe 2 të tjerë.

“Specialistët e Seksionit për Hetimin e Narkotikëve kanë goditur një tjetër rast të veprimtarisë kriminale të shitjes së narkotikëve, si rezultat i të cilit u bë kapja dhe arrestimi në flagrancë i shtetasve: E. Gj., 17 vjeç, D. S., 17 vjeç dhe E. H., 21 vjeç. Gjithashtu u shpallën në kërkim shtetasit S. Gj., 21 vjeç dhe L. K., 20 vjeç. 

Nga ana e Seksionit për Hetimin e Narkotikëve të Drejtorisë Vendore të Policisë Tiranë ishin siguruar informacione në rrugë operative se shtetasit S. Gj. dhe L. K., të dyshuar si organizatorët e kësaj veprimtarie të kundërligjshme, siguronin lëndën narkotike kanabis në sasi 5-10 kg, të cilën e ndanin në doza dhe më pas ua jepnin shtetasve D. S. dhe E. Gj., të cilët ishin të punësuar për shitjen e lëndës narkotike në përdorues të ndryshëm në zonën e Pazarit të Ri, Medresesë dhe në rrugën ?Frataj?.

Materialet i kaluan Prokurorisë pranë Gjykatës së Shkallës së parë Tiranë, për veprime të mëtejshme”, thuhet nga policia. /CNA.al





Lajmet e fundit nga