E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zbulohet plani i dështuar i Debreshit për të fituar azil në Gjermani/ Si e zhyti vëllain në krim

30 Gusht 2021, 12:30, Kronika CNA

Në 27 gusht, në media u raportua se makinës së Elton Debreshit, kreut të Sindikatës së Minatorëve të Bulqizës, i është vendosur një sasi tritoli.

Ndërkohë, në lidhje me ngjarjen në fjalë, policia ka vënë në pranga vëllain e tij, Alfred Debreshi, i cili dyshohet si autori i vënies së lëndës plasëse.

Por, hetimet kanë nxjerrë në dritë të tjera detaje.

Nga burime pranë grupit hetimor, CNA.al ka mësuar se nga hetimet e deritanishme, ka dyshime se kjo ngjarje është inskenuar për të përfituar azil në Gjermani, apo ndonjë vend tjetër europian, pasi vëllezërit implikohen nga përgjigjmet telefonike dhe ambientale.

Nga të dhënat hetimore, dyshohet se qëllimi i vendosjes së eksplozivit ka qenë përfitimi i mundshëm i ndonjë azili në shtetet e Evropës, pasi nga hetimet ka rezultuar ky shtetas kishte planifikuar të shkonte në Gjermani.

CNA.al ka mësuar se nga përgjimi ambiental, rezulton se gjatë bisdave të lira, shtetasi Alfred Debreshi, disa herë i drejtohet vëllait të tij, Eltonit, me fjalët: ?më fute në burg ti, me q… nënën?, ?e din se m?ke çu më burg o plak?, ?na q… nënën mor burr?.

Po kështu, gjatë bisedave ambjentale të përgjuara, shtetasit Alfred Debreshi dhe Elton Debreshi, flasin për mënyrën se si ato e kanë deklaruar ngjarjen përpara policisë dhe janë shumë të shqetësuar pasi deklarimet Alfredit para policisë nuk përputhen me faktet e tjera të deklaruara prej tyre dhe gjithashtu planifikojnë mënyrën se si duhet të deklarojnë më pas rreth ngjarjes, për faktin e fshirjeve të disa bisedave telefonike të cilat sipas tyre mund t?i implikojnë si dhe për faktin se për shkak të implikimit do mbeteshin pa shkuar në Gjermani.

Po kështu, fakti që në deklarimet e dhëna nga shtetasi Alfred Debreshi, ka patur mospërputhje në lidhje me mënyrën e marrjes dijeni mbi ngjarjen, ku fillimisht Alfred Debreshi ka deklaruar se për ngjarjen kishte marrë dijeni nga një telefonatë e vëllait të tij dhe më pas ka deklaruar se gjatë lëvizjes për në banesë kishte dëgjuar shpërthimin, është një tjetër element, i cili hedh dyshime se është pikërisht shtetasi Alfred Debreshi autori i dyshuar i ngjarjes./CNA.al

“Na q? nënën mor burrë, më fute në burg”/ Zbardhen përgjimet që fundosin Debreshin

Detajet që u fshehën nga ngjarja kriminale/ Çfarë qëllimi ka i ?varfëri? Debreshi