web counter
LEXO PA REKLAMA!

SHKARKO APP

App Store
Google Play

E fundit!

x

Keni bërë plane për pushime?/ Ja si do të jetë moti në ditët në vijim

25 Gusht 2021, 10:09, Aktualitet CNA

Sipas MeteoAlb, dita e Enjte, do të mbizotërohet nga vranësira të shpeshta, të cilat herë pas here sjellin reshje shiu në zonat veriore dhe qëndrore të Shqipërisë duke filluar nga orët e para të ditës.

Ndërsa pas mesditës parashikohet që reshje të pakta të përfshijnë edhe zonat jugore e juglindore. Mbrëmja sjell largim të vranësirave dhe përmirësim të kushteve të motit.

Temperaturat e ajrit ulen në vlerat minimale dhe maksimale duke  u luhatur nga 12°C mëngjesi deri në 30°C mesdita.

Era do fryjë mesatare me shpejtësi deri 40 km/h, nga drejtimi Perëndimor-Veriperëndimor ndërsa në det të hapur krijohet dallgëzim 4 ballë.

Ndërsa ditën e Premte pritet që pjesa e parë e ditës të paraqitet me kthjellime dhe vranësira të herë pas herëshme për rajonin verior të Shqipërisë, por vranësira të shpeshta dhe shira afatshkurtër dominojnë pjesërisht qendrën dhe kryesisht zonat jugore. Pas mesditës parashikohet përmirësim gradual i kushteve atmosferike duke ri-kthyer kthjellimet.

Temperaturat e ajrit mbeten kostante në mëngjes por do të ketë një rënie të lehtë nga mesdita duke luhatur vlerat ekstremale ditore nga 12°C deri në 31°C.

Era do fryjë mesatare me shpejtësi deri 40 km/h, nga drejtimi Perëndimor -Jugperëndimor ndërsa në det të hapur krijohet dallgëzim 4 ballë./ CNA.al





Lajmet e fundit nga