web counter
LEXO PA REKLAMA!

SHKARKO APP

App Store
Google Play

90 persona të shtruar në Spitalin Infektiv/ Mjeku tregon gjendjen shëndetësore

25 Gusht 2021, 08:50, Aktualitet CNA

Komiteti Teknik i Ekspertëve ka dalë sot në një konferencë për media, prej ku ka thënë se ka një rritje të rasteve të reja ditore, për shkak të virusit Delta.

Shefja e ISHP, Albana Fico, deklaroi se mesatarja javore e rasteve të reja ka shkuar në 482 nga 291 që ishte një javë më parë.

Sipas Ficos, masat nuk kanë ndryshuar, por duhen zbatuar ato që janë, si përdorimi i maskës, mbajtja e distancës dhe higjiena.

Ndërkohë, mjeku Dhimitër Kraja ka bërë një pasqyrim të situatës në Spitalin Covid 1, dhe gjendjes shëndetësore të personave të shtruar.

?Në muajin korrik kishim një ose dy raste në ditë. Patëm ditë dhe javë ku nuk kishim më as vdekje por as shtim të rasteve të reja. Por, pas qarkullimit të variantit Delta, në gusht kaluam në 24 raste të reja ditore, ndërsa sot në Spitalin Covid 1, janë të shtruar 90 raste, ku 40% janë femra dhe 60% meshkuj.

Pacientët I përkasin grupmoshave të ndryshme. Ku 15% janë mosha relativisht të reja, 25% të mesme. Rreth 51% janë mosha të treta dhe pjesa tjetër ata që quhen mosha e katërt.

Rreth 40% e rasteve të shtruara janë forma të mesme. Rreth 30% janë forma të rënda dhe pjesa tjetër ndahet në forma kritike ose ndërlikime të rrezikshme për jetën?-tha ndër të tjera mjeku Dhimitër Kraja./CNA.al





Lajmet e fundit nga