web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtarë dhe prokurorë të grupit “KÇK” sfidojnë Vettingun/ Emrat e tyre në duart e SPAK

22 Gusht 2021, 11:52, Vetingu CNA

Procesi i Vettingut, duket se nuk i ka trembur gjyqtarët dhe prokurorët e grupit ?Kap, çfarë të kapësh?.

Përgjatë vitit 2020, gjyqtarë dhe prokurorë të caktuar, të cilët presin të dalin në Vetting,  janë përfshirë në korrupsion.

Duke e ditur se do të shkarkohen, ata po marrin vendime, në këmbim të ryshfetit dhe jo vetëm.

Sipas SHISH,  gjyqtarë dhe prokurorë të cilët janë në proces verifikimi të pastërtisë së figurës në kuadër të procesit të Vettingut, po e shfrytëzojnë këtë periudhë në funksion të përfitimit personal, duke shpërdoruar detyrën kundrejt ndërveprimit korruptiv, nëpërmjet dhënies së vendimeve gjyqësore në kundërshtim me parashikimet e akteve ligjore në fuqi.
SHISH-i ka grumbulluar të dhëna dhe prova, të cilat i ka dërguar në institucionet përkatëse, si në SPAK  apo Policinë e Shtetit.

?Korrupsioni ka vijuar në sistemin e drejtësisë, por edhe në disa sektorë të administratës shtetërore, ku konstatohet se palët ndërveprojnë të nxitura nga interesi i përfitimit të përbashkët.

Në sistemin e drejtësisë, punonjës të veçantë  prokurori/gjykata), janë përfshirë në veprimtari të kundërligjshme, të shfaqur në forma si: ushtrim i ndikimit të paligjshëm dhe ndërveprimit korruptiv, me qëllim lehtësimin e pozitës së të pandehurit, nëpërmjet ndryshimit të masës së sigurisë nga arrest me burg në arrest shtëpie ose duke aplikuar dhënien e dënimit alternative?, thuhet në raportin e SHISH-it.

 

A do të pluhurosen emrat e gjyqtarëve dhe prokurorëve KÇK në SPAK?

Praktika ka treguar se gjyqtarë dhe prokurorë të dyshuar për korrupsion dhe të shkarkuar nga Vettingut qoftë për pasuri të dyshimtë apo edhe për pastërti të figurës, nuk iu ka hyrë gjemb në këmbë.

Emrat e tyre janë publik, si për opinionin  qytetar ashtu edhe për SPAK-un, i cili është kufizuar vetëm tek disa prej tyre, si Enkeleida Hoxha, Sali Hasa,  Bashkim Dedja, Fatos Lulo e tek-tuk ndonjë tjetër.

Bëhet fjalë prë gjyqtarë dhe prokurorë të dalë në Vetting dhe të shkarkuar.

Pra, vijojnë të punojnë dhe të kryejnë krime, nën veshjen e gjyqtarit apo prokurorit.

Në indiciet e para SPAK, duhej të kishte lëvizur, para ILD, KLP dhe KLGJ.

Veprimet korruptive të gjyqtarëve dhe prokurorëve që thotë SHISH në raport kanë ndodhur që në vitin 2020. Që do të thotë gjyqtarë dhe prokurorë të caktuar janë kthyer në një ?minë me sahat? për vetë drejtësinë.

Çështja është se kur do të reagojë SPAK dhe sa do të lërë gjyqtarët dhe prokurorët e krimit të bëjnë drejtësi./CNA.al





Lajmet e fundit nga