web counter
LEXO PA REKLAMA!

SHKARKO APP

E fundit!

x

Të dehur dhe me shpejtësi skëterrë/ Policia bën namim me gjoba

20 Gusht 2021, 07:25, Kronika CNA

Policia Rrugore e Tiranës ka monitorur me radarë e alkooltestues rrugën interurbane Tiranë-Elbasan-Tiranë për të parandaluar shpejtësinë tej normave të lejuara dhe drejtimin e mjetit nën efektin e alkoolit apo në gjendje të dehur.

Nga monitorimi me alkool testues në të gjitha rrugët e Tiranës, janë evidentuar dhe arrestuar në kushtetet e flagrancës 4 drejtues mjetesh në gjendje të dehur dhe 12 që drejtonin mjetin pa leje drejtimi.

 Prej orës 19:00 dhe deri në orën 24:00, si rezultat i monitorimit me radar në rrugën interurbane Tiranë-Elbasan, konkretisht në Bërzhitë, u konstatuan 11 raste të shpejtësisë tej normave të lejuara. Drejtuesve automjeteve u është pezulluar Leja e Drejtimit.

Gjithashtu, u konstatuan dhe 19 raste me shpejtësi nga 115 km/h deri në 127 km/h, ku drejtuesit e mjeteve u ndëshkuan me masë administrative 6.000 deri në 12.000 lekë të rinj secili.

?Respektoni rregullat e qarkullimit rrugor, mos neglizhoni duke cënuar e vrarë jetën në rrugë.Të gjitha rrugët nacionale dhe urbane në të gjithë vendin janë të monitoruara me patrulla të lëvizshme të Policisë Rrugore duke përdorur radarë, dragera, dronë, makina të paloguara, kamera e aparatë fotografikë?, njofton Policia Rrugore./CNA.al





Lajmet e fundit nga