web counter
LEXO PA REKLAMA!

SHKARKO APP

App Store
Google Play

E fundit!

x

Kultivonin lëndë narkotike/ Arrestohet një person, në kërkim bashkëpunëtori i tij

3 Gusht 2021, 08:24, Aktualitet CNA

Policia e Elbasanit ka goditur edhe një tjetër rast të kultivimit të bimëve narkotike.

Është bërë i mundur arrestimi i shtetasit A.D, ndërsa është shpallur në kërkim bashkëpunëtori i tij L.B, 30 vjeç.

Gjithashtu është vendosur të ndiqet penalisht shtetasi me inicialet M.B për moskallëzim të krimit.

?Evidentohet dhe goditet një tjetër rast i kultivimit të bimëve narkotike.

Arrestohet në flagrancë një shtetas, shpallet në kërkim policor bashkëpunëtori i tij, si dhe procedohet penalisht në gjendje të lirë një shtetas tjetër.

Shërbimet e Komisariatit të Policisë Elbasan,  në vijim të kontrolleve të pandërprera të territorit, me qëllim evidentimin dhe goditjen e rasteve të kultivimit të bimëve narkotike, kanë konstatuar bimë narkotike kanabis të kultivuara në një zonë të pyllëzuar në fshatin Krrabë e Vogël, Elbasan.

Në vijim të veprimeve, specialistët për Hetimin e Krimit në Komisariatin e Policisë Elbasan arrestuan në flagrancë shtetasin A. D., 31 vjeç, banues në Tiranë.

Gjithashtu është shpallur në kërkim policor bashkautori i dyshuar i kultivimit të bimëve narkotike, shtetasi L. B., 30 vjeç, banues në Farkë, Tiranë. Ky shtetas, kur ka parë shërbimet e Policisë që po ushtronin kontroll në territor, i ka kanosur ata dhe ka mundur të largohet në një zonë të pyllëzuar. Vijon puna intensive për kapjen e tij.

Në vijim të veprimeve është proceduar penalisht në gjendje të lirë shtetasi M. B., për moskallëzim krimi.

Materialet hetimore i kaluan Prokurorisë pranë Gjykatës së Shkallës së Parë Elbasan,  për veprime të mëtejshme?, njfoton policia./ CNA.al





Lajmet e fundit nga