E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Foto-Nuk është Kandahari, por zemra e Tiranës/ Pisllëku dhe kaosi që “ulëret” pak metra larg Bashkisë

2 Gusht 2021, 13:23, Aktualitet CNA

Plehra, rrugë të rrënuara, pa ndriçim dhe në kaos. Nuk po flasim për Kandaharin por për kryeqytetin shqiptar, në Tiranë.

Për më tepër në mes të kryeqytetit, shtrihet një panoramë e tillë, vetëm disa metra larg Bashkisë, që mund të përshkruhet edhe në këmbë.

Bëhet fjalë për rrugën ?Kostandin Kristoforidhi?, ku gjendet Poliklinika qendrore dhe Prokuroria e Përgjithshme.

Dy institucione të rëndësishme në mes të kryeqytetit, janë mbuluar nga plehrat, gjeneratorët dhe kaosi, a thua se sapo ka përfunduar ndonjë bombardim.

Megjithëse në atë rast do të ishte më e kuptueshme, por sot në vitin 2021, është skandal në llojin e vet, pasi gati-gati duket, se mbeturinat, gjeneratorët, kaosi do të mbërrijnë edhe në derën e Bashkisë së Tiranës.

Këtë panoramë shkatërruese, me gjeneratorë nëpër këmbë dhe pa ndriçim sikur e plotëson edhe godina e Poliklinikës, e cila të jep përshtypjen se do të shembet nga momenti në moment.

Ndoshta Ministria e Shëndetësia nuk e di gjendjen në të cilën ndodhet godina e Poliklinikës qendrore dhe që do ta sjellim në foton e mëposhtme, por nga ana tjetër Bashkia, s?ka se si mos ta dijë këtë katastrofë.

Policët bashkiakë i ke çdo ditë të derdhur rrugë më rrugë në Tiranë, duke përplasur forcërisht të moshuar që kanë dalë për të shitur diçka për bukën e përditshme.

Bashkia e Tiranës, të mos i përdorë policët për gjoba apo për të shtyrë të moshuarit dhe firmat e pastrimit për të paguar inceneratorët, që nuk ekzistojnë por për të ndryshuar situatën në këtë zonë, por edhe në shumë zona të tjera në Tiranë, të ngjashme më rrugën ?Kostandin Kristoforidhi?.

Është skandaloze kjo situatë në zemër të kryeqyetit, pa pastrim dhe pa ndriçim dhe s ?mund të imagjinohet se si mund të jetë situata në zona më të thella të Tiranës, që rëndom i quajmë periferi, por që janë pjesë e këtij metropoli që “ulëret se po vdes” nga betoni, shkatërrimi dhe nga papastërtitë./CNA.al