LEXO PA REKLAMA!

SHKARKO APP

Skandali me pesticidet kineze/ SPAK-ut, i lidhin duart zyrtarët e lartë të politikës?

2 Gusht 2021, 10:53, Aktualitet CNA
Skandali me pesticidet kineze/ SPAK-ut, i lidhin duart zyrtarët e

CNA.al ka denoncuar me fakte dhe dokumenta, një mega-skandal që rrezikon seriozisht jetën e qytetarëve.

Bëhet fjalë për pesticidet kineze, që kanë hyrë në vendin tonë në vitin 2018 me bekimin e zyrtarëve të lartë të politikës.

Mijëra kuti me pesticide kineze, të ndaluara nga ligji kanë hyrë nga Dogana e Durrësit.

Sipas dy dokumenteve që po sjellim më poshtë, sasi pesticidesh të ndaluara janë ngarkuar në Kinë, më pas nga Shanghai drejt Durrësit.

Janë jo pak, por rreth dy mijë kilogram në një zë, më pas 2500 litra në një zë tjetër, dy mijë litra në një tjetër zë, dhe një mijë kg po në një zë tjetër.

Por Dogana ka heshtur për këtë skandal korruptiv, duke u bërë kështu bashkëpunëtorë në këtë krim që rrezikon jetën e qytetarëve.

CNA.al me anë të një shkrese që mban datë 15.06.2021, i është drejtuar Drejtorisë së Përgjithshme të Doganave. me disa pyetje, me qëllim për të hedhur dritë mbi këtë skandal. Por, nga ana e institucionit ka pasur heshtje. (Lexo këtu)

I vetmi institucion që ka reaguar deri më tani është Kontrolli i Lartë i Shtetit, i cili siç ka raportuar CNA.al më herët, ka nisur një kontroll tek doganat, në lidhje me skandalin në fjalë.

Burime për CNA.al kanë bërë të ditur, se një grup inspektorësh të KLSH-së, kanë filluar kontrollet tek Drejtoria e Përgjithshme e Doganave, në lidhje me futjen e pesticideve kineze në Shqipëri. (Lexo këtu)

Institucioni që nuk ka reaguar dhe që pritej të ishte i pari që duhej të çohej në këmbë është SPAK-u.

Dokumentat ekzistojnë dhe janë të publikuara nga CNA.al. I ka parë dhe i ka lexuar mbarë opinioni publik, duket se vetëm prokurorët e SPAK-ut dhe Arben Kraja nuk kanë sy e veshë për të parë, dëgjuar e për të lexuar.

Për më tepër kur edhe familjet e tyre rrezikohen nga këto pesticide, të cilat thuhet se janë përdorur tek produktet bujqësore që më pas qytetarët i kanë blerë në treg.

Fillimisht një hetim për këtë aferë korruptive ka nisur nga Prokuroria e Durrësit, por më pas gjithçka është ndërprerë.

Sipas të dhënave zyrtare të siguruara nga CNA.al, gjithçka ka shkuar drejt Prokurorisë së Durrësit, për t?u hetuar si një skandal dhe gjithashtu ka pasur edhe një hetim, apo informacion të plotë, dhënë nga Drejtoria e Informacionit, Analizës së Riskut dhe Monitorimit, në dogana, të cilat kanë kapur sasinë e pesticideve kineze që ishin duke hyrë në Shqipëri, dhe më pas e kanë çuar çështjen në Prokurori.

Por, epilogu është se sasitë e pesticideve kanë mbërritur në vendin tonë dhe kanë qenë politikanë të lartë që kanë ndërhyrë, për lirimin e këtyre sasive, për t?u zhdoganuar më tej. Raportohet për një sasi të hyrë në datën 6 shkurt të vitit 2018, më pas një sasi tjetër në 29 mars të vitit 2018, një sasi e tretë në 30 prill të vitit 2018.

Kanë qenë politikanë të lartë që sot janë nën tagrin e  SPAK-ut për t?u hetuar, pa pritur gjetjet e KLSH-së. ?Ujku, ja ku është, dokumentat ja ku janë, mos të zvarriten më vonë se po kërkojnë gjurmë, ndërkohë që veçse i kanë ato që sot./CNA.al

Dokumentet ekskluzive-Thellohet skandali me plehrat kimike kineze në Shqipëri/ Zbulohen të tjera detaje

Ekskluzive-Skandali, plehra kimike kineze për shqiptarët

Doganat fshehin skandalin me pesticidet kineze/ Jeta e qytetarëve në rrezik nga zyrtarë të lartë të politikës

Plehra kimike kineze për shqiptarët/ Braçe kërkoi largimin e drejtorit që zbuloi skandalin

Lajmet e fundit nga