web counter
LEXO PA REKLAMA!

SHKARKO APP

App Store
Google Play

E fundit!

x

Emrat e prokurorëve të denoncuar nga Kryeprokurori/ Çela “fut në shina” organin e akuzës

2 Gusht 2021, 10:22, Aktualitet CNA

Prokurorëve duket se u janë futur të dyja këmbët një këpucë, që me emërimin e Olsian Çelës si Prokuror i Përgjithshëm.

Ky i fundit nuk ka qëndruar indiferent pas marrjes së detyrës, por është përqëndruar tek udhëzimet që disiplinojnë punën e prokurorëve.

Gjithashtu Çela ka zbritur vetë në terren duke kryer inspektime, prokurori më prokurori dhe duke marrë menjëherë masa për prokurorët që kanë dështuar në punë.

Çela e ka bombarduar Inspektoriatin e lartë të Drejtësisë me ankesa, ku kërkon marrje të masave për prokurorë të caktuar, duke treguar kështu, se nuk do të lejojë më, që prokurorët të tallen me qytetarët, duke zvarritur hetime, apo duke pushuar çështjen pa bërë hetime.

Kujtojmë se Prokurori i Përgjithshëm, i ka kërkuar Inspektorit të Lartë të Drejtësisë inspektime në 7 prokurori.

Bëhet fjalë për prokuroritë pranë Gjykatave të Shkallës së Parë Tiranë, Durrës, Elbasan, Fier, Korçë, Shkodër e Vlorë, për periudhën Mars 2020 ? Mars 2021. Pra për kohën që ai ka qenë në krye të Prokurorisë së Përgjithshme.

Gjithashtu, Çela ka denoncuar edhe emra konkretë pranë ILD-së.

Prokurorët e denoncuar

Janë pesë prokurorë për të cilët Kryeprokurori ka kërkuar hetime, me emër dhe mbiemër.

Sagën e denoncimeve në ILD, Çela e ka nisur me prokurorin e Pogradecit, Shkëlqim Kokona.

Prokurori i Përgjithshëm z. Olsian Çela me 30.10.2020 i ka kërkuar Inspektorit të Lartë të Drejtësisë nisjen e procedurës së inspektimit për hetimin e shkeljeve individuale të kryera në ushtrimin e detyrës nga ana e prokurorit Shkëlqim Kokona në Prokurorinë pranë Gjykatës së Shkallës së Parë Pogradec.

Në një deklaratë, për media bëhej me dije se pas informacioneve të marra nga Drejtuesi i Prokurorisë pranë Gjykatës së Rrethit Gjyqësor  Pogradec, Sektori i Monitorimit në Prokurorinë e Përgjithshme ka vijuar me ndjekjen dhe monitorimin e rastit, duke konstatuar veprime të cilat përbëjnë indicie për shkelje disiplinore në ushtrimin e detyrës nga ana e prokurorit Kokona.

Kokona shënon rastin e parë që nga krijimi i Inspektoriatit të Lartë të Drejtësisë që Prokurori i Përgjithshëm  i kërkon Inspektorit të Lartë të Drejtësisë nisjen e inspektimit disiplinor për një prokuror.

Hetim disiplinor, Kryeprokurori Çela ka kërkuar edhe për prokuroren e Elbasanit, Armanda Xhaferri.

Me datë 05.05.2021, Çela i ka kërkuar Inspektorit të Lartë të Drejtësisë nisjen e procedurës së inspektimit për hetimin e shkeljeve individuale të kryera në ushtrimin e detyrës nga ana e prokurores.

?Pas informacioneve të marra për zvarritje të veprimeve procedurale në hetimin e procedimeve penale nga ana e prokurores, Sektori i Monitorimit në Prokurorinë e Përgjithshme ka vijuar me ndjekjen dhe monitorimin e rastit, duke konstatuar veprime të cilat mund të përbëjnë shkelje disiplinore në ushtrimin e detyrës nga ana e prokurores Xhaferri në lidhje me funksionin e saj si magjistrate?, thuhej në njoftimin për mediat.

Ndërsa, me datë 21.05.2021, Kryeprokurori i ka kërkuar Inspektorit të Lartë të Drejtësisë nisjen e procedurës së inspektimit për hetimin e shkeljeve individuale të kryera në ushtrimin e detyrës për prokuroren Belina Zeneli dhe prokuroren Xhoana Mehmetaj në Prokurorinë pranë Gjykatës së Shkallës së Parë Dibër pasi janë konstatuar veprime të cilat mund të përbëjnë zvarritje të rëndë të veprimtarisë procedurale, si dhe shkelje të dispozitave ligjore urdhëruese të Kodit të Procedurës Penale

Pjesë e këtij inspektimi  është kërkuar të jetë dhe veprimtaria drejtuese e drejtuesit të prokurorisë Rifat Kojku, për mënyrën se si janë ushtruar kompetencat e dhëna nga ligji Nr 97/2016, në lidhje me masat e marra nga ana e tij, për të parandaluar situatën e krijuar në Prokurorinë e Rrethit Gjyqësor Dibër./CNA.al





Lajmet e fundit nga