web counter
LEXO PA REKLAMA!

SHKARKO APP

App Store
Google Play

Ambasadori Zingraf nga Korça/ Palët politike të punojnë për Reformën zgjedhore

23 Korrik 2021, 10:24, Politikë CNA

Ambasadori gjerman Peter Zingraf në një konferenencë për shtyp nga Korça u shpreh se opozita dhe maxhoranca duhet të punojnë për të vijuar Reformën Zgjedhore, në parlamentin e ardhshëm, pasi ka ende gjëra që nuk janë zgjidhur vitin e kaluar.

?Unë e kuptoj që do të kemi një parlament ndryshe përsëri pas rikthimit të opozitës në parlament dhe të dy partneret kanë thënë  që reforma zgjedhore duhet të vazhdojë pasi ka gjera që nuk janë zgjidhur vitin e kaluar dhe secili partner është shprehur që do të shkojnë  pas asaj çfarë ka mbetur mbrapa, unë do të mirëprisja vazhdimësinë e procesit te kësaj reforme, kjo është çfarë i përket parlamentit? u shpreh Zingraf.

Gjithashtu ambasadori ka folur për mundësitë për integrimin e Shqipërisë në BE.

?Është një pyejte 1 milion dollarshe, ne donim, do të punojmë me partnere dhe ende shpresojmë që do të jete ajo dritarja e mundësisë, ne e kemi të nevojshme, ne duam ti respektojme premtimet tona si Bashkim Europian por nuk varet nga ne, dhe po ne duam të shkojmë atje dhe të bëjmë gjithçka që mundemi me partneret,? tha Zingraf.

Ndërsa përsa i përket Reformës në Drejtësi dhe a ka patur rezultate në luftën kundër korrupsionit Zingraf është shprehur se reforma kërkon mbështetje për të ecur përpara.

?Kjo është gjithmonë një çeshtje, ne e kemi parë që reforma ka efektet e saj dhe ka nevoje për kohë që të ece përpara, reforma kërkon të gjithë mbeshtetjen , me mbeshtetje mund të arrihet, qasjet pragamaike dhe praktike  mund të ndihmojnë institucionet që të vendosin të çojnë përpara arkitekturen e re te reformës, dhe ka nevojë të vazhdojë të ecë përpara.?/ CNA.al





Lajmet e fundit nga