web counter
LEXO PA REKLAMA!

SHKARKO APP

App Store
Google Play

E fundit!

x

Rekrutimet pa status nëpunësi/ Agjencia e Tenderëve me punonjës pa eksperiencë në administratë

22 Korrik 2021, 15:00, Politikë CNA

Në krye të Agjencisë së Blerjeve të Përqendruara, që tenderon miliarda lekë në vit, është komanduar Nertina Mihali. Burime nga Ministria e Brendshme bëjnë me dije për Euronews Albania se drejtoresha në detyrë, më herët ka qenë pjesë e agjencisë në një pozicion tjetër. Mihali zëvendëson në këtë detyrë Edlira Naqellarin, e shkarkuar pak ditë para se SPAK ta arrestonte së bashku me 8 vartës për abuzimin me tenderin e uniformave të policisë.

Krahas mungesës së statusit të nëpunësit civil, Euronews Albania zbulon edhe historikun e punonjësve të agjencisë të vënë nën akuzë nga Prokuroria e Posaçme. Sipas regjistrit të Departamentit të Administratës Publike, Edlira Naqellari ka filluar punën në agjenci 3 muaj pas krijimit të saj me vendim qeverie. Ndërkohë, Flutura Çekrezi ka qenë pjesë e Ministrisë së Brendshme që në korrik të 2016-s. Anisa Bogdani dhe Ani Omuri janë punësuar në agjenci në të njëjtën datë, 3 muaj pas krijimit, ndërsa kreshnik Bejkaj në dhjetor të 2019-s.

Gëzim Mingaj është zyrtari i akuzuar më me eksperiencë në agjenci, pasi rezulton pjesë e Ministrisë së Brendshme që në vitin 2014 si përgjegjës i sektorit të riparimit të mjeteve, ndërsa në vitin 2019 është transferuar në agjencinë e blerjeve të përqendruara. Ndërkohë, në përgjigjen e dhënë për Euronews Albania, Departamenti i Administratës Publike thotë se për Fatmir Demnerin rezulton se punësimi i fundit ka qenë në pozicionin drejtor i shërbimeve mbështetëse në Këshillin e Lartë të Prokurorisë.

Po ashtu, DAP thotë se nga verifikimi i bazës unike nuk ka të dhëna për punonjësit Mariglen Buzali dhe Klevis Hasani. Sipas vendimit të Këshillit të Ministrave, marrëdhëniet e punës së punonjësve të Agjencisë së Blerjeve të Përqendruara rregullohen sipas dispozitave të kodit të punës./euronews





Lajmet e fundit nga