web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e Kuvendit Kombëtar/ PD del bllof, "fryn" listat e delegatëve

18 Korrik 2021, 07:04, Politikë CNA

Partia Demokratike ka mbajtur ditën e djeshme në Pallatin e Kongreseve Kuvendin Kombëtar, ku u diskutua mbi zgjedhjet e 25 prillit.

Por edhe këtë herë nuk kishin sesi të mungonin gënjeshtrat dhe manipulimet nga ana e PD dhe kreut të saj, Lulzim Basha.

Në fillim të punimeve të Kuvendit Kombëtar të PD u raportua se të pranishëm në sallë ishin 7000 delegatë. Pasi Kuvendi mbylli punimet, kryetari i Komisionit Zgejdhor në PD, Jemin Gjana, konfirmoi se zyrtarisht ishin të pranishëm 5703 delegatë.

Por ky numër bie në kundërshtim me kapacitetin e Pallatit të Kongreseve, salla e të cilit ka rreth 2100 ulëse. Si mund të jenë ulur 5703 delegatë në një sallë që ka rreth 2100 ulëse?

Ndërkohë vlen të kujtojmë se CDU gjermane ka 1001 delegatë, në një vend me gati 90 milion banorë, ndërsa në Shqipëri Partia Demokratike, sipas Bashës, ka mbi 7 mijë delegatë.

Një tjetër pikë është edhe çështja e votimit. Gjana deklaroi mbrëmë se në votim kanë marrë pjesë 5339 delegatë.

?Pas përpunimit që u kemi bërë të dhënave rezulton se kanë marrë pjesë në votim 5339 delegatë, 69.8% e numrit të delegatëve të Kuvendit, dhe nuk kanë marrë pjesë nga këta që u deklaruan të pranishëm 364 delegatë?, deklaroi ai.

Sipas tij 69.8% janë 5339, pra ata që mungojnë janë 2359 veta.

Edhe në këtë rast PD del bllof me shifrat duke tentuar të përgënjeshtrojë numrat dhe të fryjë listat e delegatëve./CNA.al





Lajmet e fundit nga