web counter
LEXO PA REKLAMA!

SHKARKO APP

App Store
Google Play

E fundit!

x

Këshilli Kombëtar i PD/ Zbulohen prapaskenat dhe manipulimet e listave

18 Korrik 2021, 13:42, Politikë CNA

Sot në mesditë u publikua lista me anëtarët e zgjedhur të Këshillit Kombëtar të PD. Tek lista me emrat e publikuar vihet re se asnjë nga kundërshtarët e kreut të PD, Lulzim Basha, nuk rezulton fitues.

Arben Ristani, Edith Harxhi, Indrit Hoxha, Endira Bushati dhe Ibsen Elezi nuk rezultojnë në listën e publikuar nga PD.

CNA.al mëson se kjo listë nuk ka dalë si rezultat i votimit por është përgatitur vetë nga sekretari i Përgjithshëm i PD, Gazment Bardhi me urdhër të Lulzim Bashës.

Burimet bëjnë me dije se dje dhe sot nuk ka patur ndonjë proces numërimi të votave që dolën nga Kuvendi Kombëtar i PD, por lista ka qenë e parapërgatitur më parë dhe mbahej për të dalë pikërisht në orët e pasdites për të dhënë idenë se dolën pas numërimit të votave.

Por e vërteta është se nuk ka pasur kurrë numërim. Gazment Bardhi ka hequr dhe ka lënë emrat në listë sipas dëshirës së tij dhe me miratimin e drejtuesve politikë në qarqe.

Ajo që bie në sy duke parë me vëmendje emrat në listë është se fitues janë shpallur persona që kanë qenë në listën jo fituese për deputet ose persona që shfaqën pakënaqësi ngaqë nuk ishin në listën për deputet.

Në këtë rast Gazment Bardhi dhe Lulzim Basha për t?iu bërë qejfin dhe për t?i mbajtur me ujë të ngrohtë i ka futur në Këshillin Kombëtar që nuk ka asnjë vlerë politike për asnjë nga 300 personat që i ka nxjerrë Gazment Bardhi si fitues.

Ky është skandali i radhës që po e çon PD drejt shkrirjes pasi në çdo degë të PD po largohen masivisht drejtues të strukturave si kryetar grup seksioni kryetar të forumit rinor si dhe në masë të gjerë ka largime të kryetarëve të seksioneve./ CNA.al

PD publikon listën fituese të Këshillit Kombëtar





Lajmet e fundit nga