web counter
LEXO PA REKLAMA!

SHKARKO APP

App Store
Google Play

70 milionë euro kredi për projektin e tramvajit në Shkup

11 Korrik 2021, 17:34, Kosova & Bota CNA

Shkupi ka zbardhur projektin për të ashtuquajturin ?Tramvaj në rrota?, Bus Rapid Transit, i cili do të jetë linjë e shpejtë e transportit publik në kryeqytetin e Maqedonisë së Veriut.

Me sistemin e ri, parashikohet që të ketë autobus çdo 3-4 minuta, ndërsa nga njëra anë e Shkupit në tjetrën të kalohet për vetëm 30 minuta. Për realizimin e këtij projekti, qyteti ka siguruar kredi prej 70 milionë euro, ndërsa pritet të jetë gati deri në vitin 2025.

Bëhet fjalë për plotësim e jo zëvendësim të transportit urban me autobusë. Projekti ka korsi të veçanta për ?Tramvajin në rrota?, ndërsa dy linjat kryesore me gjatësi 12.8 dhe 10.4 kilometra do të lidhin katër anët e Shkupit.

?Jemi krenar që Shkupi është qyteti i parë në Ballkanin Perëndimor që e zbaton këtë sistem. Për shkupjanët do të jetë plotësim i një ëndrre 40 vjeçare. Kjo formë e transportit do të ndikojë edhe në shkarkimin e trafikut por edhe në zvogëlimin e ndotjes së ajrit,? ? tha kryetari i Bashkisë Shkup, Petre Shilegov.

Përveç shkurtimin e kohës së transportit, sistemi i ri synon edhe uljen e ndotjes së ajrit, një problem shumëvjeçar për Shkupin. Sipas Shilegov, përparësitë e këtij sistemi do të inkurajojnë qytetarët të përdorin më pak makinat private.

Qytetarët besojnë se një sistem i tillë është shumë i rëndësishëm dhe i nevojshëm për Shkupin./euronews





Lajmet e fundit nga